Хуайбэй педагогикалық университетінің вице-президенті Чжоу Гуанхуэйдің әл-Фараби атындағы ҚазҰУ музейіне сапары

Бүгін әл-Фараби атындағы Қазақ ұлттық университетінің музейінде Хуайбэй педагогикалық университетінің вице-президенті Чжоу Гуанхуэйдің ресми сапары өтті.

Қонаққа университет тарихы, әл-Фарабидің ғылыми-рухани мұрасы және оның әлемдік өркениеттегі орны туралы кеңінен мәлімет берілді. Экскурсия барысында әл-Фарабидің философиялық идеялары, білім мен ғылымды дамытудағы рөлі, сондай-ақ КазНУ-дың академиялық дәстүрлері мен құндылықтары таныстырылды.

Кездесу халықаралық академиялық ынтымақтастықты нығайту, мәдени диалогты дамыту және білім беру саласындағы өзара тәжірибе алмасудың маңыздылығын айқындады. Мұндай кездесулер университеттер арасындағы серіктестікті тереңдетуге және ортақ ғылыми бастамаларды дамытуға ықпал етеді.