FUZHENG EDUCATION компаниясы делегациясы ҚазҰУ музейімен танысты

FUZHENG EDUCATION халықаралық компаниясының делегациясы әл-Фараби атындағы Қазақ ұлттық университетінің музейіне келді. Экскурсия барысында қонақтар ҚазҰУ тарихымен, университеттің ғылыми жетістіктерімен, Қазақстанның мәдени мұрасымен және әл-Фарабидің әлемдік ғылымға қосқан үлесімен танысты.

Бұл сапар халықаралық әріптестікті нығайтуға, академиялық алмасуды дамытуға және білім беру саласындағы байланыстарды кеңейтуге мүмкіндік берді.