ТДМ-4: «Жазушы шеберханасы» атты шеберлік сабағы өттіFarabi University

ТДМ-4: «Жазушы шеберханасы» атты шеберлік сабағы өтті

6 ақпан, 2025

Университетімізде 6 ақпан күні әдебиет әлеміне қызығушылық танытатын жас жазушылар мен шығармашылыққа құштар барлық қатысушылар үшін «Сұңқар» студенттер мен магистранттар кәсіподағы «Жазушы шеберханасы» атты шеберлік сабағын өткізді. 
Бұл шеберлік сағатына «Жүрекке билет», «Орамал басыма қонған бақ» және балаларға арналған бірнеше кітаптардың авторы Зейнел Жібек пен «Әке» кітабының авторы Қайрат Жұлдыз басты спикер ретінде шақырылды.
Бұл іс-шараның негізгі мақсаты – жазушыларға өздерінің шығармашылық жолын дамытудың құпияларын ашып көрсету, әдебиетке деген қызығушылықты арттыру және жазушылық өнердің қыр-сырына тереңірек үңілу болды.
Шеберлік сабағында Жұлдыз Қайрат пен Зейнелова Жібек өздерінің шығармашылық тәжірибелерімен бөлісіп, жастармен пікір алмасты. Олар жазу барысында кездесетін қиындықтар мен оларды жеңу жолдарын айтып, шығармашылық үдерістің маңызды тұстарын атап өтті.
Шеберлік сабағы барысында қатысушылардың көптеген сұрақтарына жауап беріліп, шығармашылық идеялар мен әдеби туындыларды қалай жүзеге асыруға болатыны жөнінде кеңестер берілді. Жас жазушылар өздерінің шығармашылық жұмыстары туралы пікір алмасып, бір-бірінен жаңа идеялар алып, келешекке жоспарлар құрып қайтты. Әдебиетке қызығушылық танытқан барлық қатысушылар бұл іс-шарадан мол тәжірибе жинақтап, өздеріне қажетті кеңестер мен шабыт алды.
«Жазушылар шеберханасы» атты шеберлік сабағы әдебиет әлеміне қызығушылық танытатын барлық қатысушылар үшін өте қызықты әрі пайдалы болды. Қатысушылар жазушылармен тікелей байланысып, шығармашылық әлемінің қыр-сырына терең бойлай отырып, болашақта әдебиетте өз орнын табуға деген ынталарын арттырды.