ТДМ-4: «Ең үздік студент» байқауы өтті

Оқу ордамыздың Биология және биотехнология факультетінің «Сұңқар» студенттер мен магистранттар кәсіподағы 5 ақпан күні «Ең үздік студент» байқауын өткізді!

Бұл сайыс студенттердің білімін, көшбасшылық қабілетін, шығармашылық әлеуетін бағалауға бағытталған дәстүрлі шаралардың бірі. 

Байқауға факультеттің ең белсенді, озат студенттері қатысып, бірнеше кезеңнен тұратын сайыста өз білімдерін, интеллектуалдық қабілеттері мен шығармашылық шеберліктерін көрсетті. Әрбір қатысушы өзін жан-жақты көрсетіп, түрлі тапсырмалар арқылы өздерінің үздік екенін танытты. 

Байқау қорытындысы бойынша Коки Тимур жеңімпаз атанып, «Ең үздік студент» атағына ие болды! Ол өз білімі мен қабілетін жоғары деңгейде көрсетіп, әділқазылар тарапынан жоғары ұпай жинады.

Жеңімпазды шын жүректен құттықтаймыз және оған алдағы факультетаралық кезеңде сәттілік тілейміз! ҚазҰУ-дың өзіңдей талантты жастары білім мен бәсекеге қабілеттіліктің үлгісін көрсетіп, жоғары жетістіктерге жететініне сенеміз!