ТДМ-4: Физика-техникалық факультетінде «Ең үздік студент» байқауы өтті

Университетімізде 29 қаңтар күні Физика-техникалық факультетінің «Сұңқар» студенттер мен магистранттар кәсіподағының ұйымдастыруымен жыл сайын дәстүрлі түрде ұйымдастырылатын «Ең үздік студент» байқауы өтті.

Бұл байқау білімді, талантты және жан-жақты дамыған студенттерді анықтауға, олардың академиялық және көшбасшылық қабілеттерін дамытуға бағытталған маңызды шаралардың бірі. 

Сайыс барысында қатысушылар бірнеше кезең бойынша сынға түсіп, өздерінің көшбасшылық қасиеттерін жан-жақты танытты. Байқау тапсырмалары студенттердің білім деңгейін ғана емес, олардың тапқырлығы мен шешім қабылдау дағдыларын да бағалауға мүмкіндік берді. Әділқазылар әрбір қатысушының өнеріне жоғары баға беріп, олардың қабілеттерін әділ бағалауға тырысты. Байқау қорытындысы бойынша үздік нәтиже көрсеткен студенттер арнайы дипломдар және алғыс хаттармен марапатталды.

«Үздік студент» байқауы жыл сайын дарынды жастардың басын қосып, олардың өзін-өзі дамытуына және жаңа жетістіктерге жетуіне серпін беретін маңызды алаңға айналып келеді. Бұл сайыс студенттердің оқу мен ғылыми-зерттеу ісіне деген ынтасын арттырып қана қоймай, олардың болашақ көшбасшы ретінде қалыптасуына да зор мүмкіндік береді.