ТДМ-4: «Сұңқар» студенттер мен магистранттар кәсіподағының «Kelesee» атты есеп беру кеші өттіFarabi University

ТДМ-4: «Сұңқар» студенттер мен магистранттар кәсіподағының «Kelesee» атты есеп беру кеші өтті

31 қаңтар, 2025

Университетіміздің Филология факультеті «Сұңқар» студенттер мен магистранттар кәсіподағы 31 қаңтар күні «KELESEE» атты есеп беру кешін өткізді.

Бұл шара – ұйымның атқарған жұмыстарына қорытынды жасап, алдағы жоспарларды айқындайтын маңызды жиындардың бірі болды. 

Кеш барысында 2023-2025 жылдар аралығында кәсіптік бюроның төрағасы қызметін атқарған Балғынбаева Перизат Ерболқызы есеп беру баяндамасын жасады. Ол өз сөзінде осы уақыт аралығында жүзеге асырылған жобалар, студенттердің белсенділігін арттыру мақсатында ұйымдастырылған іс-шаралар мен жетістіктер жайында айтып өтті. Сонымен қатар факультет жастарының оқу, ғылыми және шығармашылық дамуына бағытталған түрлі бастамалардың нәтижелері де назарға ұсынылды. 

Кеш қызықты пікірталас, студенттердің жылы лебіздері және болашаққа жоспарлармен қорытындыланды. 

«KELESEE» есеп беру кеші – тек есеп беру кеші ғана емес, сонымен қатар ұйымның одан әрі дамуына серпін беретін, студенттердің ынтымағын арттыратын маңызды іс-шара. Алдағы уақытта да кәсіподақ өз жобаларын қарқынды түрде жүзеге асырып, факультет жастарына қолдау көрсетуді жалғастырады деген сенімдеміз!