ТДМ – 1-2: Заң факультеті «Көмек» қоғамдық қоры қайырымдылық жәрмеңкесін өткізді

Университетіміздің Заң факультеті «Көмек» қоғамдық қорының ұйымдастыруымен 31 қаңтар күні  «100 отбасына көмек» атты қайырымдылық жәрмеңкесі сәтті өтті.

Бұл игі шара таңғы сағат 10:00-ден 15:00-ге дейін жалғасып, көптеген қайырымды жандардың басын қосты. Жәрмеңке барысында қолдан жасалған бұйымдар, үйде дайындалған дәмді тағамдар және түрлі тауарлар сатылып, жиналған қаражат көмекке аса мұқтаж 100 отбасыға бағытталды. Әрбір сатылған зат – тек материалдық көмек емес, адамгершілік пен жанашырлықтың жарқын белгісі.

Мұндай бастамалар қоғамдағы мейірімділік пен ынтымақтастықты нығайтып, адамдарды бір мақсатқа жұмылдырады.

Осындай игі істер алдағы уақытта да жалғасын табатынына сенеміз! Жәрмеңкеге атсалысқан барша жанашыр жандарға шексіз алғысымызды білдіреміз. Жақсылық жасаудан жалықпайық, бір-бірімізге қамқор болайық!