ТДМ – 1-2: Химия және химиялық технологиялар факультеті мен Ақпараттық технологиялар факультетінің «Көмек» қоғамдық қоры жәрмеңке өткізді

Әл-Фараби атындағы Қазақ ұлттық университетінің Химия және химиялық технология факультеті мен Ақпараттық технологиялар факультеті «Көмек» қоғамдық қорымен бірлесіп, 13 ақпан күні қайырымдылық жәрмеңкесін өткізді.

Бұл шара қоғамдағы әлеуметтік жауапкершілікті арттыруға, студенттерді игі істерге жұмылдыруға және қайырымдылық мәдениетін қалыптастыруға бағытталған.

Жәрмеңкеге университет студенттері белсенді түрде атсалысып, қолдан жасалған түрлі бұйымдар, тәтті тағамдар мен басқа да қажетті заттарды сатылымға шығарды. Шара барысында жиналған қаражат толығымен әлеуметтік жағдайы төмен отбасыларға бағытталады.

Жәрмеңкеге қатысушылар бұл бастаманың маңыздылығын ерекше атап өтіп, мұндай игі істердің тұрақты түрде жүргізілетінін атап өті. Студенттердің ұйымшылдығы мен еріктілікке деген құлшынысы қоғамдағы осындай шаралардың маңыздылығын тағы бір мәрте дәлелдеді.

Бұл шара – тек көмек көрсету ғана емес, студенттердің бір-біріне деген қолдауын арттырып, үлкен жауапкершілікке үйрететін игі бастама. Жақсылық жасау – әр адамның қолында!