Васеда университетіндегі тағылымдама

ҚазҰУ әлемнің жетекші универ­си­тет­терімен ынты­мақ­таса жұмыс істейді. Соның ішінде Жапонияның білім беру меке­ме­лері аясында білім және мәдени тәжірибе алмасуға бірегей мүмкін­дік­тер береді.

Мен шығыстану фа­куль­­тетінің 4-курс студен­ті­мін. 2024 жылдың қыр­күйе­­гінен бастап Токио қа­ласында орналасқан Ва­седа университетінде бір жылдық академиялық тағылымдамадан өтіп жа­тыр­мын. Васеда универ­си­теті мен ҚазҰУ арасында білім-ғылым саласындағы ынтымақтастық туралы ке­лісімге қол қойылған. Мен гуманитарлық факуль­тет­те «Денсаулық және әлеу­мет­тік ғылымдар» маман­ды­ғы бойынша бір жыл оқимын. Университетте адам денсаулығы мен әл-ауқаты мәселелерін, оның ішінде әлеуметтік қамқор­лық пен қолдауды, әлеу­мет­тік денсаулықты қам­та­масыз етуді зерттейміз.

Мен адам ресурс­та­рын да­мытуға арналған әлем­­нің түкпір-түкпірінен сту­дент­терді біріктіретін Heiwa Nakajima жеке сти­пен­дия­сы­ның иеге­рі­мін. Бұл сти­пен­дия жапон уни­вер­­ситеттерінде оқуға бі­ре­гей мүмкіндік береді әрі қаржылай қолдау көрсетіп, жаңа білім мен халық­ара­лық тәжірибеге есік аша­ды.

Васеда университеті – жо­ғары академиялық стан­дарттары, инно­ва­ция­лық зерттеулері және халық­ара­лық ықпалы арқасында танымал, Жапониядағы ең беделді және көрнекті оқу орындарының бірі. 1882 жылы негізі қаланған, дәс­түрге толы тарихы, да­рын­ды шәкірттері мен көрнекті ұстаздары бар жетекші оқу орны. Университет білімді іс жүзінде қолдануға және қоғамның болашағына ық­пал ете алатын маман­дар­ды даярлайтынымен таны­мал. Васеданың көр­некті тү­лектерінің қата­рын­да Жа­понияның тоғыз премьер-министрі, жазу­шы Харуки Мураками және Sony негізін қалаушы Ма­сару Ибука бар.

Жапония бойынша уни­верситеттің тоғыз кампусы бар, мен олардың бірінде, Сайтама пре­фек­ту­ра­сы­ның Токорозава қала­сын­да оқимын. Кампус гу­ма­нитарлық факультет пен спорт ғылымдары факуль­те­тін біріктіреді. Ол жасыл желекпен қоршалған көр­кем таулы биіктікте орна­лас­қан және ғимараттар арасындағы қозғалысты барынша ыңғайлы ететін инфрақұрылымға ие. Мен үне­мі мол ағашпен қор­шал­ған аллеямен серуен­дей­мін, таза ауадан жаным рахаттанады, бұл маған оқуға зейін қоюға және та­биғатпен үйлесімді болуға көмек береді.

Университетте оқыту­дың негізгі тілі жапон тілі болғанымен, Васеда ағыл­шын тілінде де курстар ұсы­нады, студенттер өз пән­дерін еркін таңдай ала­ды. Бұған қоса, қытай, фран­цуз немесе испан тіл­дері сияқты жаңа тілдерді үй­ренуге болатын пәндер бар.

Жапон универси­тет­те­рі­нің білім беру жүйесінің қызықты ерекшеліктерінің бірі – «земи» сияқты құбы­лыс­тың болуы. Бұл сту­дент­тердің шағын топ­та­ры, профессордың же­тек­шілігімен белгілі бір тақырыпты тереңдетіп оқу­мен айналысады. Қа­ра­пайым тілмен айтқанда, земиді семинар саба­қ­та­ры­мен немесе оқу топ­та­рымен салыстыруға бо­ла­ды, бірақ Жапонияда бұл процесс көбіне ресми және қарқынды. Үшінші курс­тан бастап студенттер ғы­лыми зерттеулерге да­йындала бастайды, дип­лом­дық жұмыстарды жаза бастайды, ғылыми жетек­шіні таңдап, «земиге» кі­ре­ді. Осы семинарлар ая­сын­да студенттер жиі да­лалық зерттеулер жүр­гі­зіп, мек­тептер мен ұйым­дар­дағы түрлі іс-ша­ра­ларға қа­ты­са­ды. Осы­лай­ша Жапо­ния­дағы студенттік өмір тек оқумен шектелмейді: оқу тәжірибесін одан да бай және құнды ететін көпте­ген сыныптан тыс іс-шара­лар бар.

Мен профессор Атсуши Огихараның «земи» мүше­сі­мін, оның ғылыми қызы­ғу­шылығы – қоғамдық ден­­саулық саласы. Менің зерттеу тақырыбым меди­ци­на мен білім беруде жасанды интеллектіні пай­да­лану туралы және Ва­седа университетінде осы тақырыпқа қатысты ақ­паратқа еркін қол жеткізе ала­мын. Менің зерттеуі­м­мен тығыз байланысты көп­­теген тақырыптар да бар.

Жапонияда жүргеніме бес айдан асты, мен осы алып мегаполистегі өмір ыр­ғағына толықтай үйрен­дім. Токио халқы мейірімді және достыққа бейіл, әр­қа­шан көмектесуге дайын. Қала мәдени мұра мен озық технологиялар сәтті үй­лесетін дамыған инфра­құ­рылымымен танымал. Ко­ро­навирус пандемия­сы­нан кейін Жапония өз шекараларын қайта ашты, ал қазір Токио бүкіл әлем жұртшылығының ортақ үйі, бұл қаланы одан да қызық­ты етеді.

Университеттегі Жапон тілі орталығында шетел­дік­терге арналған жапон тілі курстарына қатысуға мүмкіндігім бар. Менің сы­ныбымда түрлі ұлт өкіл­де­рі: америкалықтар, ис­пан­дар, қытайлар және басқа ұл өкілдері жетерлік. Уни­верситет мәдениетаралық алмасуды белсенді түрде дамытады және әрбір кам­пуста шетелдіктер мен жа­пон­дықтар өзара қарым-қатынас жасай алатын ор­талықтар бар. Мысалы, мен өткен айда кәсіби кон­ди­тер аспазының жапон­дық вагаши тәттілерін жа­сауды үйреткен тегін ше­­берлік сабағына қа­ты­суға мүмкіндік алдым.

Сонымен қатар уни­вер­ситетте әдебиетке бай бірнеше кітапхана бар, он­да студенттер еркін білім алып, ізденуге уақыт бө­леді. Бұл біліміңді терең­де­ту және оқу үдерісінен ләззат алудың тамаша мүм­кіндігі.

Қорытындылай келе, тағылымдаманың бір бө­лі­гі ретінде шетелде оқу мүмкіндігі үлкен мәртебе әрі құнды тәжірибе дегім келеді. Бұл тәжірибе менің білімімді тереңдетіп, кә­сі­би дағдыларды дамытуға көмектесіп қана қоймай, жеке және кәсіби өсуіме ықпал ететін жаңа мәдени ортаға енуге жол ашады. Васеда университетінде тағылымдамадан өту ме­нің өмірімдегі маңызды ке­зең және мен осы уақыт­ты тиімді пайдалануға бел бай­ладым.

Әзиза Қабыш,

Қиыр Шығыс кафедрасының 4-курс студенті