Абай атындағы Қазақ ұлттық педагогикалық университетінің студенттерімен кездесу

2025 жылы 20 акпан күні  әл-Фараби  атындағы  ҚазҰУ-нің студенттік заң клиникасының  директоры  Бакиров Д.А.  Абай атындағы Қазақ ұлттық педагогикалық университетінің студенттерімен кездесті.

Аталған кездесуге әл-Фараби атындағы ҚазҰУ-нің кеден, қаржы және экологиялық құқық кафедрасының доценті, заң ғылымының кандидаты Аманжолов Ж.М., Абай атындағы Қазақ ұлттық педагогикалық университетінің құқықтану кафедрасының қауымдастырылған профессорлары Бижанова А.Р. және Белхожаева Д.Ж. қатысты.

Кездесу барысында Бакиров Д.А. университет жастарын студенттік заң клиникасының қызметімен  таныстырып, атқарып жатқан жұмыстар туралы баяндап берді. Сонымен бірге, кездесуге қатысқан профессор ұстаздар  қазіргі кездегі құқықтың өзекті мәселелеріне, атап айтқанда, жастардың құқықтық санасы мен құқықтық мәдениетін, құқықтық сауаттылығын арттыруға,  олардың арасында құқық бұзушылықтың алдын алу мәселелеріне тоқталды.

Құқық қолдану аясындағы мәселелерге қатысты қызу пікір-таластар болды, студенттер мәнді мәліметтермен ғылыми қорларын толықтырды.