«Студенттердің білім сапасын көтеру және олардың заманауи кітаптарға деген қызығушылығын арттыру» тақырыбына дөңгелек үстел

Тұрақты даму мақсаттары аясында білімге қол жетімділік тақырып аясында Әл-Фараби атындағы ҚазҰУ-нің «Филолософия және саясаттану» факультетінің мәдениеттану мамандығының студенттері Alatau Creative Hub мультимедиялық орталығына арнайы шақыртумен барды. IT-зертханасында заманауи кітаптары бар жаңа орталықта «Студенттердің білім сапасын көтеру және олардың заманауи кітаптарға деген қызығушылығын арттыру» тақырыбына дөңгелек үстел болды. Коворкинг және арт-орталықты біріктіретін заманауи мәдени кеңістікте кітапхананы ашық қалалық алаңға айналдыру, оны шығармашыл жандар мен интеллектуалды қауымдастық үшін тартылыс нүктесі ету туралы мәліметтер берілді.