
Бүгін Наурыз мерекесі аясында студенттік қалашық әкімшілігі студенттер үйінің меңгерушілерін ерекше марапаттады. Бұл күн — көктемнің келуін, жаңа бастамалар мен өзгерістерді атап өтетін, сондай-ақ бір-бірімізге құрмет пен қамқорлық көрсету күні.
Студенттер үйінің меңгерушілері — қалашықта тыныштық пен тәртіпті сақтап, студенттердің тұрмыс жағдайларын жақсарту үшін үнемі атсалысып жүретін маңызды тұлғалар. Осы мерекелік күні олардың еңбегі мен ұқыптылығын атап өту мақсатында әкімшілік өкілдері студенттер үйінің меңгерушілерін марапаттады.
Марапаттау рәсімі барысында әрбір меңгерушіге олардың студенттерге көрсеткен қамқорлығы мен еңбекқорлығы үшін арнайы алғыс хаттар мен марапаттаулар табыс етілді. Марапаттардың ішінде студенттер үйінің жайлылығын қамтамасыз ету, студенттер арасында жақсы қарым-қатынас орнату, сондай-ақ мерекелік іс-шараларға белсене қатысқаны үшін бағаланды.
Әкімшілік тарапынан көрсетілген осындай құрмет студенттердің жағдайына жасалған ұдайы қамқорлықты және әрбір меңгерушінің бұл үдерістегі маңызды рөлін атап көрсетеді. Студенттік қалашықтың жақсы жағдайы мен жайлы атмосферасы — меңгерушілердің үздіксіз жұмысының нәтижесі.
Барша студенттерге ерекше көңіл-күй мен жақсылық тілейміз. Көрісу күні бізді тек жаңартып, жаңа мүмкіндіктерге жетелеп қана қоймай, сонымен қатар бірге еңбек етіп, бір-бірімізді қолдау арқылы қол жеткізетін жетістіктерді көрсетті.
Басқа жаңалықтар


