- Басты бет
- Жастар ұйымдары
- ТДМ-16: ҚазҰУ-да «Ұлттық қор – балаларға» бағдарламасы бойынша ақпараттық кездесу өтті
ТДМ-16: ҚазҰУ-да «Ұлттық қор – балаларға» бағдарламасы бойынша ақпараттық кездесу өтті

Оқу ордамызда 30 қаңтар күні «Отбасы банк» өкілдерімен бірге «Ұлттық қор – балаларға» жобасы бойынша ақпараттық кездесу өтті. Бұл шараға Ақпараттық технологиялар факультетінің 2006-2007 жылы туған студенттері қатысты, олар жоба аясында ұсынылған мүмкіндіктермен танысып, сұрақтарына жауап алды.
Кездесу барысында «Отбасы банк» мамандары студенттерге «Ұлттық қор – балаларға» жобасының мән-маңызы мен артықшылықтарын толық түсіндірді. 2024 жылдан бастап жүзеге асырыла бастаған бұл жоба 18 жасқа дейінгі балалар мен жасөспірімдер үшін арнайы жинақ шоттарын ашуды көздейді. Ұлттық қордан жыл сайын бөлінген қаражат балалардың білім алуына, тұрғын үй алуына, медициналық қызметтерге және басқа да қажеттіліктеріне жұмсалады.
Кездесу басты назарда 2006-2007 жылы туған студенттерге бағытталды, себебі олар жақын арада 18 жасқа толып, жинақталған қаражатты білім алу, тұрғын үй сатып алу немесе басқа да қажеттіліктері үшін пайдалану мүмкіндігіне ие болады. «Отбасы банк» мамандары студенттерге жинақ шоттарын қалай ашу керектігін, оның артықшылықтарын және қаражатты тиімді басқару жолдарын түсіндірді. Студенттер өздерін қызықтырған сұрақтарын қойып, толық әрі нақты жауаптар алды.
Іс-шараға қатысушылар бұл кездесудің өте пайдалы болғанын айтып, өз болашақ қаржылық мүмкіндіктері туралы тереңірек түсінік алғандарын атап өтті. Жинақ шотын ашудың тәртібі түсіндіріліп, шоты жоқ студенттерге жаңа есепшот ашу мүмкіндігі ұсынылды. Банк мамандары рәсімдеу процесін толық әрі жан-жақты түсіндіріп берді.
Бұл ақпараттық кездесу студенттерге қаржылық сауаттылықты арттыруға, мемлекеттік қолдауды тиімді пайдалану жолдарын көрсетуге және өз болашақтарын дұрыс жоспарлауға көмектесетін маңызды шара болды. Мұндай кездесулер жастардың қаржылық мәселелерді ерте жастан түсініп, өз қаражаттарын тиімді басқаруға дағдылануына септігін тигізеді.
Басқа жаңалықтар

