ТДМ-4: «SONGEN SHYRAQ» атты кеш өтті

Әл-Фараби атындағы Қазақ ұлттық университетінің География және табиғатты пайдалану факультеті «Сұңқар» студенттер мен магистранттар кәсіптік бюросында 26 ақпан күні «SONGEN SHYRAQ» атты бірінші курс студенттерін таныстыру кеші өтті.

Кеш барысында ұйым қатарына жаңадан қосылған 1-курс студенттері өз өнерлерін көрсетіп, оқуда да, өнерде де үздік екендерін дәлелдеді. Әдемі кеште ән шырқалып, би билеп, түрлі интеллектуалды ойындар өткізілді.

Сонымен қатар, ұйымның алдағы уақытта атқаратын жұмыстары таныстырылып, талқыға салынды. Бұл кеш студенттердің бірлігін нығайтып, олардың қоғам өміріне белсенді араласуына ықпал етері сөзсіз.

Жобаға қатысушы барлық қонақтарға алғысымызды білдіреміз!