ТДМ-3: ҚазҰУ студенттері Көкжайлауда тамаша уақыт өткізді

Университетімізде «Сұңқар» студенттер мен магистранттар кәсіподағы 23 ақпан күні табиғат аясында бейресми бас қосу ұйымдастырды. Студенттер – Көкжайлауға шығып, таудың ауасымен тыныстап, белсенді демалыс өткізді. 

Бұл студенттердің табиғатқа деген сүйіспеншілігін арттырып, салауатты өмір салтын насихаттауды мақсат етті.  Әрі студенттердің бір-бірімен жақын танысып, командалық рухты нығайтуына мүмкіндік берді. 

Жаяу жүріп тауға шығу барысында студенттер табиғат аясында сергіп, таза ауада белсенді уақыт өткізді. Шара барысында қызықты ойындар ұйымдастырылып, көңілді әрі әсерлі сәттер көп болды.

Тауға шыққан студенттер Көкжайлаудың қысқы көрінісін тамашалап, әсем табиғаттың аясында ерекше демалыс өткізді. Бұл сапар олардың жаңа әсер алып, университет қабырғасынан тыс ортада жақсы уақыт өткізуіне ықпал етті. 

Осындай шаралар студенттердің табиғатпен етене жақын болуына, қоршаған ортаны қорғауға және белсенді өмір салтын ұстануға деген қызығушылығын арттырады. Көкжайлауға жасалған бұл бейресми бас қосу студенттердің жадында ұзақ уақыт сақталары сөзсіз.