ТДМ-17: «Acoustic party» атты кеш өтті

Оқу ордамыздың Механика-математика факультеті «Сұңқар» студенттер мен магистранттар кәсіптік бюросы және Абай атындағы Қазақ ұлттық педагогикалық университетінің Жаратылыстану және География факультеті «Qoldau» студенттік деканаты бірлесіп, 13 ақпан күні «Acoustic party» атты кеш ұйымдастырды. Акустикалық кеш Тұрақты даму мақсаттарының №17 «Тұрақты даму үшін серіктестік» бағытын жүзеге асыру негізінде ұымдастырылды.

Бұл кеш – жас таланттардың басын қосқан, өнер мен шабыт тоғысқан шынайы шығармашылық алаңы болды. 

Жанды музыка, әуезді әндер, әсерлі орындаулар мен жүректен шыққан жырлар көрермен көңілінен орын тапты. Талантты жастар өз өнерін паш етіп, бір-біріне қолдау көрсетіп, сахнада еркін әрі шынайы бола білді. Әрбір орындалған туынды көрерменді ерекше сезімге бөлеп, өнердің құдіретін тағы бір мәрте дәлелдеді. 

Осындай шаралар студенттердің өнерге деген сүйіспеншілігін арттырып қана қоймай, олардың жаңа достар тауып, шығармашылық қабілеттерін дамытуларына үлкен мүмкіндік береді. Бір сахнада әртүрлі оқу орындарының жастары өнер көрсетіп, тәжірибе алмасуы – олардың болашақтағы ынтымақтастығына да жол ашады. Бұл кештің ең басты ерекшелігі – достықтың, өнердің және бірліктің үйлесім табуында. 

Бүгінгі кештің сәні мен сыры да осы – әрбір қатысушыға жылу мен шабыт сыйлағанында. Бірлесе атқарған істеріміз көп болсын! Келешекте осындай тамаша кештерде қайта жүздесеміз деген үміттеміз. Өнер мен достық ұштасқан ғажайып сәттер жалғасын таба берсін!