ТДМ-4: SMM саласы бойынша мастер-класс өтті

Оқу ордамыздың Журналистика факультеті «Сұңқар» студенттер мен магистранттар кәсіптік бюросының ұйымдастыруымен Тұрақты даму мақсаттарының «Сапалы білім беру» бағыты бойынша 24 ақпан күні  SMM бағытында мастер-класс өтті.

Кездесуге SMM саласында бес жылдық тәжірибесі бар, 200-ден астам табысты шәкірт тәрбиелеген білікті маман, жетекші Лиза Айбекқызы арнайы шақырылды. Ол қатысушылармен өз тәжірибесімен бөлісіп, әлеуметтік медиа маркетингінің (SMM) қыр-сыры туралы кеңінен әңгімеледі. 

Мастер-класс барысында сарапшы әлеуметтік желілерде дұрыс аудитория қалыптастыру, контент стратегиясын жасау және брендті ілгерілету жолдары туралы нақты ақпарат берді. Қатысушылар өздерін қызықтырған сұрақтарын қойып, кәсіби бағыт-бағдар алды. 

Бұл шара студенттер үшін тың білім мен жаңа мүмкіндіктерге жол ашты. Болашақ журналистер мен медиа саласының мамандары SMM-нің заманауи трендтерімен танысып, тәжірибелі маманнан құнды кеңестер алды. Шеберлік сабағы өз кәсібилігін дамытқысы келетін жастар үшін үлкен мүмкіндік болды.