Академиялық ұтқырлық аясында күзгі семестрде оқу конкурсы

«Әл-Фараби атындағы Қазақ ұлттық университеті» 2025-2026  оқу жылының күзгі семестріне академиялық ұтқырлық (бакалавриат) шеңберінде оқуға конкурс жариялайды.

Республикалық бюджет қаражаты есебінен академиялық ұтқырлық шеңберіндегі конкурсқа қатысу үшін құжаттарды тапсыру университет пен шетелдік серіктес ЖОО арасындағы халықаралық ынтымақтастық туралы келісімдерге сәйкес жүзеге асырылады. Конкурсқа қатысу үшін құжаттарды екі жолмен тапсыруға болады:

1. Университеттің Құжаттамалық қамтамасыз ету бөлімі арқылы келесі құжаттар тізімі:

1) білім алушының өтініші;

2) Қазақстан Республикасы азаматы паспортының көшірмесі;

3) білімі туралы құжаттар: университет мөрімен расталған ағымдағы оқу үлгерімі туралы транскрипт;

4) шет тілін меңгеру деңгейін растайтын құжат (өтініш беруші келесі құжаттардың бірін ұсынады):

4.1) шет тілін білуді бағалаудың халықаралық жүйелері (IELTS, TOEFL) арқылы алынған сертификат, егер бар болса;

4.2) шет тілінің деңгейі бар студентті қабылдауға шетел университетінің келісім хаты;

5) №072/у нысанындағы медициналық анықтама (шетелге шығатындар үшін);

6) өтiнiш берушiнiң ата-анасының, қорғаншысының, заңды өкiлдерiнiң, егер ол Қазақстан Республикасынан кету кезiнде он сегiз жасқа толмаған болса, шетелге шығуға жазбаша келiсiмi;

7) студенттің отбасының көпбалалы екенін растайтын отбасы құрамы туралы құжат (бар болса);

8) білім алушының ата-анасының жоқтығын растайтын құжат (жетім немесе ата-анасының қамқорлығынсыз қалған студенттер санатына (болған жағдайда) жатқызылған білім алушыларға);

9) студенттің мүгедектігін растайтын құжат (бар болса).

2. еgov.kz порталына:

1) өтініш берушінің ЭЦҚ қойылған өтініш;

2) Қазақстан Республикасы азаматы паспортының электрондық көшірмесі;

3) білімі туралы құжаттардың электрондық көшірмесі:

4) университет мөрімен расталған ағымдағы оқу үлгерімі туралы транскрипт;

5) шетел тілін меңгеру деңгейін растайтын құжаттың электрондық көшірмесі (өтініш беруші келесі құжаттардың бірін ұсынады):

5.1) шет тілін білуді бағалаудың халықаралық жүйелері арқылы алынған сертификат, егер бар болса;

5.2) шет тілінің деңгейі бар студентті қабылдауға шетел университетінің келісім хаты;

6) медициналық анықтаманың электрондық көшірмесі (шетелге шығатындар үшін);

7) егер ол Қазақстан Республикасынан кету кезiнде он сегiз жасқа толмаған болса, өтiнiш берушiнiң ата-анасының, қорғаншысының, заңды өкiлдерiнiң шетелге шығуға жазбаша келiсiмiнiң электрондық көшiрмесi;

8) студенттің отбасының көпбалалы екенін растайтын отбасы құрамы туралы құжаттың электрондық көшірмесі (бар болса);

9) білім алушының ата-анасының жоқтығын растайтын құжаттың электрондық көшірмесі (болған жағдайда жетім немесе ата-анасының қамқорлығынсыз қалған оқушылар санатына жатқызылған оқушылар үшін);

10) студенттің мүгедектігін растайтын құжаттың электрондық көшірмесі (бар болса).

Үміткерлерді іріктеуді ҚР білім және ғылым министрінің 2008 жылғы 19 қарашадағы №613 бұйрығымен бекітілген «Шетелде оқуға, оның ішінде академиялық ұтқырлық шеңберінде оқуға жіберу қағидаларына» сәйкес, үміткерлерді іріктеу жөніндегі комиссия жүзеге асырады.

Конкурсты ұйымдастыру мәселелері бойынша консультациялар, іріктеу рәсімдерін, қажетті құжаттарды әр факультеттің ғылыми-инновациялық қызмет және халықаралық ынтымақтастық жөніндегі декан орынбасарлары жүргізеді.

Жұмыс кестесі:

1) Құжаттамалық қамтамасыз ету бөлімі: Қазақстан Республикасының Еңбек кодексіне сәйкес, демалыс және мереке күндерін қоспағанда, дүйсенбіден бастап жұманы қоса алғанда, сағат 09:00-ден 18:00-ге дейін түскі үзіліспен сағат 13:00-ден 14:00-ге дейін.

Құжаттарды қабылдау және мемлекеттік қызметті көрсету нәтижесін беру сағат 09:00-ден 17:30-ға дейін түскі үзіліспен сағат 13:00-ден 14:00-ге дейін жүзеге асырылады.

Қабылдау алдын ала жазылусыз және жеделдетілген қызмет көрсетусіз кезек тәртібімен жүзеге асырылады.

Мекенжайы: Алматы қ., Әл-Фараби даңғылы, 71. Ректорат, 7-қабат, 705-каб.

2) egov.kz порталы: тәулігіне 24 сағат.

Құжаттарды тапсырудың соңғы мерзімі – 2025 жылдың 8  маусым