ТДМ-4: ҚазҰУ-да «Miss Sunkar– 2025» байқауы өтті

Университетімізде «Сұңқар» студенттер мен магистранттар кәсіподағы жанынан құрылған «Сен Сұлу» қыздар клубының ұйымдастыруымен 19 наурыз күні «Miss Sunkar– 2025» байқауы жоғары деңгейде өтті! Париж стиліндегі тамаша атмосфера, талантты арулардың өнері – бәрі де көрермендерге ұмытылмас кеш сыйлады.

Ұйымдастырушылардың жоғары деңгейдегі жұмысы көрермендерге шынайы эстетикалық ләззат сыйлады. Кеш барысында қатысушы қонақтармен түрлі ойындар өткізіп, танымал әншілердің өнерін тамашалады. Сонымен қатар, серіктестердің түрлі сыйлықтары табыс етілді.

Байқау қорытындысы бойынша:

«Miss Sunkar – 2025» атағына География және Табиғатты пайдалану факультетінің студенті Мерей Шолпан ие болып, Түркия еліне жолдама ұтып алды.

II орынды География және Табиғатты пайдалану факультетінің студенті Кеңесбекова Іңкәр иеленіп, гауһар тасты жүзік ұтып алды.

III орын Журналистика факультетінің студенті Болат Нұрайымға тиесілі болды. Жеңімпазға этно стильде өтетін фотосессияға сертификат табысталды.

Сонымен қатар, қатысушы аруларымыздың барлығына демеушілерімізден «Құмыра жасау» мастер классына сертификат, күтім жасауға арналған косметикалық жинақ және өздерінің ерекше фотосуреттері берілді!

Қатысушылар өздерінің интеллектін, өнерін, ерекше болмысын көрсетіп, әділқазылардың жоғары бағасына ие болды. Байқау арулар үшін тек сұлулық жарысы ғана емес, өздерін жаңа қырынан танытуға мүмкіндік берген маңызды жоба болды.

Жеңімпаздарды шын жүректен құттықтаймыз! «Miss Sunkar – 2025» тек бір күндік шара емес, ҚазҰУ жастарының шығармашылық әлеуетін дамытатын, жаңа есімдерді танытатын ерекше дәстүрге айналмақ.