ТДМ-4: Әл-Фараби атындағы ҚазҰУ-да «Көшбасшылық дәріс» барысында кездесу өттіFarabi University

ТДМ-4: Әл-Фараби атындағы ҚазҰУ-да «Көшбасшылық дәріс» барысында кездесу өтті

18 наурыз, 2025

Әл-Фараби атындағы Қазақ ұлттық университетінде «Сұңқар» студенттер мен магистранттар кәсіподағының ұйымдастыруымен 18 наурыз күні «Көшбасшылық дәріс» жобасы аясында белгілі қоғам қайраткері Жасұлан Бостандықұлымен кездесу өтті. Жасұлан Бостандықұлы – бүгінде жастарды ынталандыру бағытында белсенді қызмет атқарып жүрген тұлға.

Іс-шараның басты мақсаты – студент жастардың көшбасшылық қабілеттерін дамытуға ықпал ету, оларды жігерлендіріп, болашаққа деген ұмтылысын арттыру. Кездесу барысында спикер көшбасшылық қасиеттерді қалыптастыру, өзін-өзі дамыту және қоғамдағы белсенділіктің маңызы жайында өз тәжірибесімен бөлісті. Сонымен қатар, студенттерге кәсіби және жеке дамуда кездесетін қиындықтарды қалай еңсеруге болатыны туралы пайдалы кеңестер берді.

Кездесуге әр түрлі факультеттерден жиналған студенттер қатысып, өздерін қызықтырған сұрақтарын қойды. Еркін форматта өткен диалог барысында жастар көшбасшылық дағдыларды дамыту жолдары, тұлғалық өсу, өзін-өзі жетілдіру және кәсіби мансаптағы алғашқы қадамдар туралы мол ақпарат алды.

Жиын соңында қатысушылар спикерге алғыстарын білдіріп, осындай мотивациялық кездесулердің маңыздылығын атап өтті. «Көшбасшылық дәріс» жобасы алдағы уақытта да студенттер үшін пайдалы әрі қызықты шараларды ұйымдастыруды жалғастырады.