- Басты бет
- Жастар ұйымдары
- ТДМ-4: Университетімізде «Үздік студенттік топ – 2025» байқауының үшінші кезеңі өтті!
ТДМ-4: Университетімізде «Үздік студенттік топ – 2025» байқауының үшінші кезеңі өтті!

Әл-Фараби атындағы Қазақ ұлттық университеті «Сұңқар» студенттер мен магистранттар кәсіподағының ұйымдастыруымен 19 наурыз күні «Үздік студенттік топ – 2025» байқауының үшінші кезеңі өтті!
Бұл кезеңде қатысушы топтар өз мамандықтарына байланысты немесе тың тақырыпта университетімізді дамытуға, көркейтуге деген өз үлестерін қосу мақсатында ғылыми жобаларын қорғады. Болашақ маман ретінде әр топтың жұмысы өзіндік ерекшеліктерге толы болып, жоғары дәрежеде бағаланды. Олар өздерінің білім деңгейлерінің жоғары екенін көрсетіп қана қоймай, қоғамдық өмірде де белсенді студенттер екенін дәлелдеді.
Жоба барысында әр топ өздерінің ұйымшылдығымен, топ мүшелерінің алғырлығымен және креативті ойлау қабілетімен ерекше көзге түсті. Түрлі кезеңдерден сүрінбей өтіп, өздерінің жеңіске лайық екендерін жоба соңына дейін дәлелдей білді.
«Үздік студенттік топ – 2025» байқауына қатысушы топтарға алғыс білдіре отырып, алдағы кезеңдерге сәттілік тілейміз.
Басқа жаңалықтар

