ТДМ-4: Университетімізде «ҚазҰУ студиясы» атты жоба өттіFarabi University

ТДМ-4: Университетімізде «ҚазҰУ студиясы» атты жоба өтті

26 наурыз, 2025

Әл-Фараби атындағы Қазақ ұлттық университетінің Филология факультеті «Сұңқар» студенттер мен магистранттар кәсіптік бюросының ұйымдастыруымен 26 наурыз күні «ҚазҰУ студиясы» жобасы өтті.

Аталған жоба аясында Мақсат Рахмет қонақ ретінде арнайы шақырылды. Ол өз тәжірибесімен бөлісіп, өнер саласындағы маңызды мәселелерге тоқталды. Кездесу барысында студенттер көкейлерінде жүрген сұрақтарын қойып, тың ойлар мен пайдалы кеңестер алды.  Мақсат Рахмет тұңғыш ұлы Шәкәрім Мақсатұлы «Болмаған балалық шақ» фильмінде басты рөлде ойнағаны туралы ақпаратпен бөлісті.

Шараның басты ерекшелігі – жастардың ақпараттық сауаттылығын арттырып, өнер саласына деген қызығушылығын ояту. Сондай-ақ, өз ойларын еркін жеткізуге мүмкіндік алды. 

Осындай кездесулер студенттердің кәсіби дамуына үлкен үлес қосатыны сөзсіз. ҚазҰУ студиясы алдағы уақытта да талантты жастарды қолдап, шығармашылық алаң қалыптастыруды жалғастырады. Бұл бастама болашақ мамандардың білім мен тәжірибені ұштастыруына зор ықпал етеді. 

Ұйымдастырушылар атынан шараға белсенді қатысқан студенттерге және Мақсат Рахметке шынайы алғысымызды білдіреміз. Мұндай мазмұнды кездесулердің саны көбейіп, жастарға шабыт сыйлай берсін!