ҚазҰУ студенттері қытайлық компаниядан тағылымдамадан өтуге мүмкіндік алады

Әл-Фараби атындағы Қазақ ұлттық университеті Қытайдың «Линьи Цзинь Люхуан» ЖШС-мен бірге құрылыс пен ауыл шаруашылығында қолданылатын жоғары технологиялық жабдықтарды дайындау бағытында жұмыс істейді.

Аталған келісімге оқу ордасының базасында өткен «Ғылым, бизнес және өндіріс ықпалдастығы» атты форумда қол жеткізілді.

ҚазҰУ-дың Басқарма Төрағасы – Ректор Жансейіт Түймебаев «Линьи Цзинь Люхуан» ЖШС директоры Фань Дэюмен меморандумға қол қойды.

Болашақта университет студенттерін компания заманауи технологиялық жабдықтармен таныстырып, оларды дайындауда робототехниканы қолдануды үйрететін болады.

Сонымен қатар келісім шеңберінде компания Қазақстанға Қытайдан жаңа заманауи технологиялық жабдықтарды жеткізуді және жабдықтармен жұмыс істеулері үшін арнайы ЖОО-ның білім алушы жастарын оқытады.

Әл-Фараби атындағы ҚазҰУ-дың Баспасөз қызметі