ҚазҰУ жастары қырғыз әдебиетінің өкілдерімен кездесті

Әл-Фараби атындағы ҚазҰУ-да қырғыз әдебиетінің өкілдерімен шығармашылық кездесу өтті.

Аталған басқосу екі ел арасындағы әдеби, мәдени байланыстарды нығайтуға және жастардың көркем әдебиетке деген қызығушылығын арттыруға бағытталған.

Кездесуге қырғыздың танымал жазушылары, ақындары, ҚазҰУ жастары және әдеби шығармашылықпен айналысатын зиялы қауым өкілдері қатысты. Шара барысында қонақтар өздерінің шығармашылық жолдары, қазіргі қырғыз әдебиетінің даму бағыттары және әдеби үрдістегі жаңалықтар жайында кеңінен баяндады. Студенттер жазушылармен еркін форматта сұхбат құрып, өздерін қызықтырған сұрақтарға жауап алды.

Сондай-ақ жиын аясында жазушылар жастарға шабыт беретін әңгімелер айтып, әдебиет саласындағы тәжірибелерімен бөлісті. Сонымен қатар қырғыз әдебиетінің көрнекті өкілдері саналатын шығармалардан үзінділер оқылып, туысқан халықтардың ортақ мәдени құндылықтары жайлы әңгіме өрбіді.

Іс-шара соңында қонақтарға естелік сыйлықтар табысталып, өзара ынтымақтастықты одан әрі дамытуға бағытталған ұсыныстар айтылды.

Мұндай мәдени кездесулер қазақ пен қырғыз халықтарының ортақ рухани құндылықтарын дәріптеуге және жас ұрпақтың әдебиетке деген ықыласын оятуға арналған үлес болмақ.  

Әл-Фараби атындағы ҚазҰУ-дың Баспасөз қызметі