ҚазҰУ-дың Баспасөз қызметі марапатталды

Бұқаралық ақпарат құралдары қызметкерлері күніне орай Әл-Фараби атындағы Қазақ ұлттық университетінің Басқарма Төрағасы – Ректор Жансейіт Түймебаев Ақпарат және коммуникациялар департаментін марапаттады.

ҚР Ғылым және жоғары білім министрлігінің «Құрмет грамотасы» департамент директоры, ҚазҰУ-дың баспасөз хатшысы Қаншайым Байдәулетке және редактор-журналист Әйгерім Әлімбековаға берілді.

Министрліктің «Алғыс хаты» департамент директорының орынбасары Алмат Исаділ мен «Farabi media» телестудиясы басқармасының басшысы Бақыт Құрманбековке табысталды.

Сондай-ақ «Qazaq universiteti» газетінің журналист-редакторы Гүлзат Табын мен Баспасөз қызметінің журналист-редакторы Светлана Өмірғалиева «Farabi»  алтын медалімен наградталды.

ҚазҰУ-дың дамуына қосқан үлесі үшін «Qazaq universiteti» газетінің жауапты хатшысы,  беттеуші-дизайнер Талғат Кіршібаевқа «Ерен еңбегі үшін» медалі берілді.

Сондай-ақ ҚазҰУ ректоры Жансейіт Түймебаевтың «Алғыс хатымен»  «Farabi university» сайт басқармасының аудармашы-редакторы Айғаным Аманғазы марапатталды. 

Кәсіби мерекеде азды-көпті еңбегімізді атап өтіп, арнайы көңіл бөлгені үшін ҚР Ғылым және жоғары білім министрі Саясат Нұрбекке және Әл-Фараби атындағы ҚазҰУ Басқарма Төрағасы-Ректор Жансейіт Қансейітұлы Түймебаевқа алғыс білдіреміз!

Әл-Фараби атындағы ҚазҰУ-дың Баспасөз қызметі