«Білім керуені» – әр ауылға білім апаратын сапар

Бүгінгі күннің басты қажеттіліктерінің бірі – сапалы білімге қолжетімділік. Осы мақсатта әл-Фараби атындағы Қазақ ұлттық университетінің Біліктілікті арттыру және қосымша білім беру институты «Білім керуені» жобасын іске қосты.

Жоба аясында еліміздің шалғай өңірлеріне, соның ішінде Батыс Қазақстан облысының ауылдарына, университеттің үздік мамандары арнайы барып, қазақ және ағылшын тілдері бойынша курстар өткізуде.
⠀
Курстар тіл үйренуге ниетті ересектерге арналған және заманауи оқыту әдістемелерімен жүргізіледі. Практикалық сабақтар, ойын элементтері, әндермен жұмыс, диалог құру – барлығы тілді күнделікті өмірде еркін қолдануға бағытталған.

Неліктен бұл маңызды?
«Білім керуені» – бұл тек тіл үйрету емес. Бұл – жаңа мүмкіндіктерге жол ашу, ауылдық жерлердегі тұрғындарға өсу мен даму алаңы беру. Бүгінгі таңда әр тіл – жаңа жұмыс, жаңа байланыс, жаңа ойлау деген сөз.

• Сабақтар онлайн/оффлайн форматта 
• Мамандар – тәжірибелі PhD оқытушылар
• Әрбір қатысушы белсенді тәжірибе жинайды

«Білім керуені» – бұл білімге апарар жол, бізге қосыл»