Университетте оқытушы болу – үлкен жауапкершілік

Мен үшін Әл-Фараби атындағы Қазақ ұлттық университеті – жай ғана оқу орны емес, тағдыр жолымды айқындап берген қасиетті шаңырақ. Осы қара шаңырақтың қабырғасында үш жыл докторантурада білім алып, қазіргі таңда екінші жыл қатарынан ұстаз ретінде еңбек етіп келемін. Бұл жол мені терең білім, биік жауапкершілік және халқына адал қызмет етудің шынайы үлгісімен табыстырды.

Мен осы университеттің түлегі ретінде, қазіргі таңда студент­тер­ге дәріс беріп жүріп, өткен тәжі­ри­бемді болашақ ұрпақпен бө­лі­суді өзімнің азаматтық борышым санаймын. ҚазҰУ-дың білім беру жүйесі тек академиялық біліммен шектелмейді. Мұнда студент­тер­дің тұлғалық дамуына, рухани өсуі­не және кәсіби шеберлігін арт­тыруға ерекше мән беріледі. Бұл – университеттің басты ар­тық­шылығы.

ҚазҰУ-да студенттер үшін бар­лық жағдай жасалған: ғы­лы­ми-зерттеу орталықтары, за­ма­науи зертханалар, электрондық ресурстар мен халықаралық ын­ты­мақтастық аясындағы бағ­дар­ламалар жүйелі түрде жұмыс істейді. Мен докторантурада оқы­ған кезеңде бірнеше халықаралық ғылыми жобаларға қатысу мүм­кін­дігіне ие болдым. Бұл тәжірибе маған тек ғылыми тұрғыда емес, тұлғалық жағынан да өсуге ықпал етті.

Қазіргі таңда ұстаз ретінде дә­ріс беріп жүрген әр сабағымда жас­тардың білімге деген ынтасын, ғылымға деген қызығушылығын байқап, қуанышқа бөленемін. Се­бе­бі бұл ҚазҰУ-дың қалыптас­тыр­ған ерекше ортасының нәтижесі. Мұндағы академиялық талап пен адами қарым-қатынастың үй­ле­сімі студенттерге терең білім мен кең дүниетаным береді.

Университетіміздің «Универ­си­тет 4.0» тұжырымдамасы бүгінгі жаһандық өзгерістерге лайық за­ма­науи білім беруді мақсат етеді. Бұл модель білім, ғылым, инно­ва­ция және рухани құндылықтарды бі­рік­тіре отырып, болашақтың ин­тел­лектуал тұлғасын қалып­тас­тыруға бағытталған. Бұл бағытта ҚазҰУ жүйелі жұмыс атқарып келеді және әлемдік білім кеңіс­ті­гін­де өз орны бар екенін дәлелдеп отыр.

Ұстаз болу – әркез үлкен мін­дет. Ал ҚазҰУ-да ұстаз болу – одан да биік жауапкершілік. Се­бе­бі сен тек білім ғана емес, бо­лашаққа бағдар, бағыт бересің. Университет қабырғасында тәр­бие­ленген студенттеріміз ертең елдің түрлі салаларында қызмет етіп, қоғамды дамытатын аза­мат­тарға айналатынына сенімім мол.

ҚазҰУ – тек ғылым мен білімнің емес, сонымен қатар ұлттық рух­тың, мәдениеттің, адамгершілік пен парасаттылықтың ордасы. Мұн­да тәрбиеленген әр студент өз тамырына, тіліне, тарихына құр­метпен қарайтын, заман та­ла­бына сай ойлай алатын тұлға бо­лып қалыптасады. Универ­сите­ті­міздің мұндай миссиясы – еліміздің ертеңіне қызмет ету жолындағы шынайы еңбек.

Қорытындылай келе айтарым, ҚазҰУ – менің кәсіби жолымды бас­таған және өмірлік бағыт бер­ген мекен. Бұл университет мен үшін тек білім алған орда емес, қалыптасқан орта, үздіксіз даму алаңы. Болашақта да ҚазҰУ биік бе­лестерден көрініп, ұлтқа қыз­мет етуді жалғастыра бе­ре­тініне сенімім кәміл.

Зарина ҰЗАҚБАЕВА,

 Шетел тілдері кафедрасының оқытушысы