«Space Days Kazakhstan 2025» Халықаралық форумы
Құрметті әріптестер!
Қазақстан Республикасы Цифрлық даму, инновациялар және аэроғарыш өнеркәсібі министрлігі «Space Days Kazakhstan 2025» халықаралық форумын 2025 жылғы 8-10 қыркүйек аралығында әл-Фараби атындағы Қазақ ұлттық университеті базасында (Алматы қаласы) өткізетінін хабарлайды.
Форум – ғарышты бейбіт мақсатта игеру саласындағы елдер арасындағы ынтымақтастықты нығайтуға, жоғары технологиялар мен инновацияларды, ғылымды дамытуға, сондай-ақ аэроғарыш саласындағы жоғары білікті мамандарды даярлауға және Қазақстанды жаһандық ғарыштық қауымдастыққа біріктіруге бағытталған халықаралық деңгейдегі бірегей алаң.
Қазақстан Республикасы Президенті Қасым-Жомарт Тоқаевтың Жолдауымен байланысы:
Форум Президент Жолдауында айтылған адам капиталының дамуы, цифрландыру, ғылым және тұрақты экономика бағыттарын іске асырады. Университеттер, ғылыми-зерттеу институттары мен жеке сектордың қатысуы – Жаңа Қазақстанды – инновациялық, бәсекеге қабілетті және білімге негізделген мемлекетті құру жолындағы маңызды қадам.
Тұрақты даму мақсаттарына (ТДМ) қосқан үлесі:
- ТДМ 4 (Сапалы білім): студенттер мен оқытушылардың ғылыми сессиялар мен воркшоптарға қатысуы арқылы;
- ТДМ 9 (Инфрақұрылым және инновациялар): спутник жасау, IoT және цифрлық мониторинг болашағын талқылау;
- ТДМ 13 (Климаттың өзгеруімен күрес): CO₂ шығарындыларын бақылау және ауылшаруашылық мониторингі үшін спутниктерді қолдану жөніндегі сессиялар;
- ТДМ 17 (Жаһандық әріптестік): 50-ден астам ел мен БҰҰ (КОПУОС) қатысуымен халықаралық күн тәртібін қалыптастыру.
2025 жылғы 9 қыркүйекте өтетін форум аясында келесі секциялар өтеді:
1-секция. «Халықаралық АстроХаб»
2-секция. «Білім мен ғылымдағы ғарыштық технологиялардың рөлі»
3-секция. «Спутниктік IoT және навигациялық технологиялар»
4-секция. «Қазақстанда халықаралық ғарыш айлағын құру: жаһандық ынтымақтастықтың жаңа орбитасы» – серіктестерге ашық халықаралық кооперация
5-секция. «Ғарыштық деректер – жаңа ресурс: спутниктік ақпаратты стратегиялық активке айналдыру»
Сонымен қатар, 8 қыркүйекте келесі воркшоптар өткізіледі:
• UN-Spider аймақтық воркшопы
• «KazSat» КСС радиожиілік ресурсын тиімді пайдалану
• «Ғарыштық жағдай туралы халықаралық ынтымақтастық»
• Дөңгелек үстел: «Ғарыш саласына инвестиция тарту»
• «Салалық міндеттерді шешуге Жерді қашықтықтан зондтау деректерін қолдану»
• «Ғарыштық ауа райы және оның жерүсті мен ғарыш инфрақұрылымына әсері»
• Geodetic space weather
• OTS-SAT техникалық сессиясы
Университеттерді, ғылыми-зерттеу орталықтарын, халықаралық ұйымдар мен өндірістік әріптестерді форум жұмысына белсенді қатысуға, ғарыш пен тұрақты дамудың болашағын бірге қалыптастыруға шақырамыз.
«Space Days Kazakhstan 2025» форумы – бұл ғарыш туралы диалог, ол дәл осы жерден, дәл қазір басталады.
Регистрация и подробная информация по ссылке - https://sdk2025.gharysh.kz/
Құрметпен,
Форум ұйымдастыру комитеті
Форумды ұйымдастырушы: әл-Фараби атындағы ҚазҰУ География және табиғатты пайдалану факультетінің Картография және геоинформатика кафедрасы.
Байланыс телефоны: 8 778 419 76 54
Электрондық пошта: kairanbayeva.gaukhar@gmail.com
Басқа жаңалықтар
