Меморандум аясында өткен халықаралық семинар-тренинг

Шығыстану факуль­те­ті­нің Арабтану орталығы мен Таяу Шығыс және Оңтүстік Азия кафе­дра­сы Сауд Арабиясы Корольдігіндегі Король Салман атындағы Халық­аралық араб тілі академиясымен (King Salman Global Academy for Arabic Language) бірлесіп араб тілі оқыту­шыларына арналған халықаралық әдістемелік семинар-тренинг өткізді.

Король Салман атындағы Ха­лықаралық араб тілі акаде­мия­сы араб тілінің мәртебесін араб елдерінің өзімен қоса, әлем­дік деңгейге көтеру, ма­ңыз­дылығын дәріптеу әрі ны­ғайту мақсатында 2020 жылы 1 қыркүйекте Сауд Арабиясы Мә­дениет министрлігінің ше­ші­мімен құрылған. Академия «Saudi Vision 2030» Даму бағ­дар­ламасының адами ресурс­тар­ды дамыту тармағы ая­сын­да жұмыс істей отырып, араб тілін, ғылымын дамытуға ба­ғыт­талған ғылыми орталыққа айналуды көздейді. 2021 жыл­дың ақпан айынан бастап ака­де­мияның бас хатшысы қыз­ме­тін доктор Абдулла әл-Уашми атқарып келеді. Академия төрт негізгі бағыт бойынша жұмыс істейді: Тіл ғылымы мен тіл саясаты, Компьютерлік линг­вис­­тика, Араб тілі бойынша білім беру бағдарламаларын жүзеге асыру, Тілдік мәдени бағдарламалар ұйымдастыру.

Король Салман атындағы Халықаралық араб тілі ака­де­миясы 2023 жылы қаңтар айын­да тұңғыш рет Әр-Рияд қа­ласында ҚР жоғары оқу орын­дарындағы араб тілі ма­мандарын қабылдап, семинар-тренинг өткізді. Делегацияны Әл-Фараби атындағы ҚазҰУ шығыстану факультетінің араб тілі оқытушы-профессорлар құ­рамы бастап барды. Се­ми­нар-тренинг аясында араб ті­лінің мамандары өз кәсіби бі­ліктіліктерін арттырып қана қой­май, Сауд Арабиясының та­рихы, мәдениетімен жақын танысуға мүмкіндік алды. Са­пар толығымен академия та­рапынан қаржыландырылды.

2024 жылы қыркүйек айын­да академияның бас хатшысы Аб­дулла әл-Уашми бастаған делегация Әл-Фараби атын­да­ғы Қазақ ұлттық уни­вер­си­тетіне рес­ми сапармен келді. Сапар нәтижесінде Әл-Фа­ра­би атындағы ҚазҰУ мен Король Салман атындағы Халық­ара­лық араб тілі академиясы ара­сында өзара ынтымақтастық пен түсіністік меморандумына қол қойылды.

Екіжақты меморандум ая­сында ҚазҰУ академиямен бір­лесіп араб тілін компью­тер­леу, электронды сөздіктер құ­рас­тыру, лингвистикалық кор­пус­тар, оқулықтар мен оқу құ­ралдарын әзірлеу, тілдік дең­гейді анықтайтын тест құ­растыру, араб тіліндегі қол­жаз­баларды зерттеу, семинар-тре­нингтер мен шеберлік са­бақтарын өткізу сынды бір­қатар бағыттар бойынша бір­лесе жұмыс істеуге келісті.

Аталған шаралардың бас­та­масы ретінде Король Салман атындағы Халықаралық араб тілі академиясы 2025 жылдың 26-29 мамыр аралығында ҚазҰУ шығыстану факультеті араб тілінің оқытушыларына ар­­налған семинар-тренинг өт­кізді. Семинар-тренингтің мақ­саты мамандарға араб тілін үйретуде дәстүрлі әдістердің тиімді жақтарымен қатар, инновациялық техно­логия­лар­ды қолдануға, сол арқылы әр студенттің қабілетіне қарай интеллектуалдық дарын­ды­лы­ғын, жеке қабілетін дамытуға, педагогикалық құзыреттерін, кәсіби білігін арттыруға бағыт­тал­ды. Академияның сарапшы-мамандары сапар барысында шығыстану факультеті араб тілі бөлімінің студенттеріне екі­күн­дік «Академиялық Хамза тесті» семинар-тренингін ұйым­дас­тыр­ды. Аталған тренингке 30 білім алушы қатысты.

«Академиялық Хамза тесті» – араб тілін меңгерген шет­ел­дік тұлғалардың тілдік құзы­рет­тілігін анықтау мақсатында шетел тілдерін меңгеру дең­гей­лерін анықтаудың Еуро­па­лық ортақ стандарттарына (CEFR) сәйкес, Король Салман атындағы Халықаралық араб тілі академиясы әзірлеген ака­демиялық сынақ. «Хамза» тесті A2-ден C1-ге дейінгі төрт дең­гейді қамтиды. Мақсаты – араб тілінің мәртебесін ғылыми әрі мәдени тұрғыда халықаралық деңгейге көтеру әрі нығайту, тілдік құзыреттілікті өлшеудің әмбебап құралына айналу, уни­верситеттер мен оқу орын­да­рына студенттердің тілдік дайындығы туралы нақты ақ­па­рат беруге бағытталған. Тест құрылымы төрт бөлімнен тұрады: тыңдалым, оқу, жазу және сөйлеу. Жалпы ұзақтығы – 155 минут, 75 тапсырмадан тұрады. Тест екі форматта өт­кізіледі: офлайн және онлайн. Тест араб тілін оқитын сту­дент­терге, мұғалімдерге және тіл­дік дайындығын бағалауға мүд­делі ұйымдарға арналған.

Халықаралық араб тілі ака­­демиясының ҚазҰУ-ға жасаған екін­ші ресми делегациясы­ның құ­рамында академияның Линг­вистикалық корпустар де­пар­таментінің директоры, док­тор Афрах ат-Тамими, коуч-тре­нерлер Мұхаммад бен Шу­дейд, Абдрахман ас-Сарами, Ухуд аш-Шалауи болды.

Доктор Афрах ат-Тамими бастаған делегация алғашқы күні семинар-тренингтің ашы­лу салтанатында академияның стратегиялық жоспары, түрлі тілдік, мәдени бағдарла­ма­ла­рымен таныстырып, шараны өткізуге қолдау көрсеткен ҚазҰУ ректоры Ж.Түймебаевқа алғыс білдіріп, факультет де­каны Н.Ем, Арабтану орта­лы­ғы­ның директоры Б.Жұбато­ва­ға академияның бас хатшысы Абдулла әл-Уашмидің құрметі мен сәлемін жеткізді.

Шараға шығыстану факуль­те­ті арабтану бөлімінің оқыту­шы-профессорлары, магис­трант­тары, докторанттары, сон­дай-ақ Нұр-Мүбарак Еги­пет ислам мәдениеті уни­вер­си­теті, Абылай хан атындағы Әлем тілдері және халықаралық қатынастар университеті, Абай атындағы педагогикалық уни­вер­ситеті мен арабтанушы ма­мандарды даярлайтын өзге де білім беру мекемелерінің 30-ға жуық оқытушысы қатысты.

24 академиялық сағатты қам­­тыған семинар-тренинг қа­тысушыларына және араб бө­лі­мінің студенттеріне Король Сал­ман атындағы Халықа­ра­лық араб тілі академиясының ха­лықаралық үлгідегі сер­ти­фи­ка­ты табыс етілді.

Айдынгүл ХАВАН,

Таяу Шығыс және Оңтүстік Азия кафедрасы араб тілі бөлімінің меңгерушісі