Нүкіс мемлекеттік техникалық университетінің тыңдаушылары ҚазҰУ-да ЖИ бойынша біліктілігін арттыруда

Әл-Фараби атындағы Қазақ ұлттық университетінде Нүкіс мемлекеттік техникалық университетінің тыңдаушылары үшін бағдарламалық инженерия саласы бойынша біліктілікті арттыру курстары жалғасуда.

Бағдарлама тыңдаушыларға бағдарламалау негіздерін жетілдіру, алгоритмдер құру, жобалық жұмыстар орындау сияқты тәжірибелік дағдыларды меңгеруге мүмкіндік береді. Дәрістерде IT саласының жаңа үрдістері талқыланып, семинар-тренингтер мен практикалық сабақтарда теория нақты тапсырмалар арқылы бекітіледі.

Курс қазіргі еңбек нарығының талаптарына сай кәсіби құзыреттілікті арттыруға, сондай-ақ қатысушылардың ғылыми көзқарасын кеңейтуге бағытталған. Тыңдаушылар бұл тәжірибенің олардың кәсіби дамуына ғана емес, жеке қабілеттерінің артуына да ықпал ететінін атап өтуде.