Студенттердің мазасыздық деңгейін анықтау мақсатында психодиагностика жүргізілді

10 қыркүйек күні әл-Фараби атындағы ҚазҰУ-дың Психологиялық қолдау қызметі студенттердің мазасыздық деңгейін анықтау мақсатында GAD-7 әдістемесі бойынша психодиагностика жүргізді.

Зерттеуге университеттің 2000-нан астам студенті қатысты. Диагностика студенттердің психологиялық жағдайын зерттеуге және олардың эмоциялық күйзеліс деңгейін айқындауға бағытталды.

Тестілеу нәтижелері студенттердің психологиялық қолдауға деген қажеттілігін дер кезінде анықтауға, сондай-ақ олардың психикалық саулығын нығайтуға және студенттік өмір жағдайына сәтті бейімделуіне ықпал ететін алдын алу шараларын әзірлеуге мүмкіндік береді.