Құрметті мұғалімдер, ардақты ұстаздар қауымы!
Сіздерді кәсіби мерекелеріңізбен шын жүректен құттықтаймын!
Мемлекет басшысы Ұстаздар күніне арналған салтанатты жиында: «Кез келген қоғамның кемелдігі, өркениеттілігі ұстазға деген қатынасымен өлшенеді. Ұстазын ұлықтаған елдің ұрпағы саналы, болашағы жарқын болары хақ. Себебі әр мұғалімнің еңбегі ерен, еліміздің дамуына қосқан үлесі орасан», – деп атап өтті.
Білім мен тәрбиені ұштастырып, саналы ұрпақ тәрбиелеу жолында мұғалімдерге үлкен жауапкершілік жүктелген.
«Адамның адамгершілігі жақсы ұстаздан болады», – деген ұлы Абай ұлағатын өмірлік ұстанымға айналдырған ұстаздар қауымы қандай құрметке де лайық.
Жаңа, әділетті Қазақстанның білімді болашағын қалыптастыру жолындағы игі бастамаларыңыз жемісті болсын.
Құрметпен,
Әл-Фараби атындағы Қазақ ұлттық университетінің
Басқарма Төрағасы – Ректор Жансейіт ТҮЙМЕБАЕВ
Басқа жаңалықтар
