"Сезім хаттары» спектакльі: Жүрек пен жан үшін"

20 қарашада Әл-Фараби атындағы Қазақ ұлттық университетінің орыс филологиясы және әлем тілдері кафедрасының аға оқытушылары Саяхмет С.С., Оспан А.О. "Гидрология" мамандығының 1-курс студенттерін 5-ші ТДГ «Гендерлік теңдік» аясында "Конкордия" театрында қойылған және шын жүректен шыққан анонимді хаттарға негізделген «Сезім хаттары» спектаклін тамашалауға апарды.

Пьесаның негізгі тақырыбы жасырын, сырлы сезімдер болды: махаббат, эмоция, жоғалту, сағыныш, жалғыздық және хаттарда сипатталған көңіл толқындары. Махаббат тақырыбы әсіресе жастарға жақын болғандықтан, пьеса әу бастан студенттерге терең әсер қалдырды. Хаттар гитараның сүйемелдеуімен оқылды, жанды музыка, әндер және вальс орындалды - мұның бәрі көрермендердің көңілінен шықты. Кештің атмосферасы ерекше болды.

Кештің ерекшелігі - жүргізушінің көрермендерден келген хаттарды таңдап, олардың авторларын көрермендер арасынан тауып, оларға сыйлық ретінде тарақ сыйлауы болды. Ол кешті ақынның сөзімен аяқтады, онда ғашық адам әрқашан шашын тарап, осылайша өз сезімдерін жеткізеді деді.

Бұл мәдени шара ұрпақ пен ішкі толқыныс арасындағы шынайы диалогқа, адам жаны мен өнер арасындағы көпірге айналды. Студенттер үшін қойылым тек академиялық іс-шара ғана емес, сезімдер мен ойларға толы, өзін-өзі талдауға шақыратын жарқын тәжірибе болды. Бұл студенттерге тек театрды сезінуге ғана емес, сонымен қатар сезімдер мен эмоцияларды тереңірек түсінуге, оларды поэзия, жазу, музыка және би арқылы білдіруге мүмкіндік берді.

Қойылым махаббат тақырыбының мәңгілік екенін растайтын жүрекжарды хаттармен аяқталды. Әрбір көрермен бұл кеште өзіне жақын нәрсе тапты: біреулер естіді, басқаларын да ести білді - мұның бәрі ерекше, эмоционалды сәтке айналды. Қойылым барлығы үшін ерекше және эмоционалды болды.