ТДМ – 1-2: География және табиғатты пайдалану факультеті мен Биология және биотехнология факультетінің «Көмек» қоғамдық қоры қайырымдылық жәрмеңкесін өткіздіFarabi University

ТДМ – 1-2: География және табиғатты пайдалану факультеті мен Биология және биотехнология факультетінің «Көмек» қоғамдық қоры қайырымдылық жәрмеңкесін өткізді

4 ақпан, 2025

Әл-Фараби атындағы ҚазҰУ География және табиғатты пайдалану факультеті мен Биология және биотехнология факультеті «Көмек» ҚҚ-мен бірлесе отырып, 4 ақпан күні қайырымдылық жәрмеңкесін өткізді.

Бұл игі шараның басты мақсаты – қаламыздағы жағдайы төмен 100 отбасыға қаржылай және азық-түлік түрінде көмек көрсету. Сонымен қатар, жәрмеңке студенттердің әлеуметтік жауапкершілігін арттырып, қоғамда мейірімділік пен жанашырлықты насихаттауды көздейді. Сондай-ақ, мұндай іс-шаралар студенттердің еріктілік пен ұйымшылдық дағдыларын дамытуына ықпал етіп, көмекке мұқтаж отбасыларға тұрақты қолдау көрсетудің бастамасы болмақ.

Жәрмеңкеде еріктілер өздері дайындаған түрлі тағамдар мен қолөнер бұйымдарын сатылымға шығарды. Шара барысында 121 000 теңге жиналды, бұл қаражат толықтай мұқтаж отбасыларды азық-түлікпен қамтамасыз етуге бағытталады. Қатысушылар бұл бастаманың маңыздылығын атап өтіп, болашақта осындай шараларды жиі ұйымдастыруға ниетті екендерін білдірді.