Әл-Фараби атындағы ҚазҰУ музейінде «Ұлы дала тарихы - ұлт тарихы» атты жылжымалы көрме ашылды

Бұл көрме Наурыз мейрамында бекітілген «Наурызнама» онкүндігі аясында – «Жаңару күні» халқымыздың ұлттық құндылықтарын дәріптеу мақсатында әл-Фараби атындағы Қазақ ұлттық университеті тарихы музейі мен «Таңбалы» мемлекеттік тарихи-мәдени және табиғи музей-қорығының ұйымдастыруымен ашылды.

Көрменің басты мақсаты: Қазақ халқының этнoгpaфиялық терең тарихы, мәдeни мұpaлapы, салт-дәстүрі мен  рухани құндылықтарын насихаттау арқылы жоғары білімді, ұлтжанды, саналы жастарын тәрбиелеу.

Көрме экспозициясына көне тарихтан сыр шертетін жартас суреттері бар тас үзінділер мен археологиялық қазбадан табылған артефактілер қойылды.

Қорық-музей 2004 жылы 7 шілдеде ЮНЕСКО БҰҰ «Білім, ғылым және мәдениет жөніндегі ұйымы», «Бүкіл әлемдік мәдени және табиғи мұраны қоғау жөніндегі Конвенциясы», «Таңбалы археологиялық ландшафтының петроглифтері» бүкіләлемдік мұралар тізіміне енді.

Көрменің ашылу салтанатына «Таңбалы» мемлекеттік тарихи-мәдени және табиғи қорық-музейінің қызметкерлері, музей директорының ғылыми ісі жөніндегі орынбасары Шарипов Ринат Қалимолдаұлы, тарих факультетінің оқытушылары, студенттері және Алматы қаласындағы Назарбаев зияткерлік мектебінің мұғалімдері  Изенбаева Сауле Баймуханбетқызы, Аутан Гүлсайраш  бастаған  10-сынып оқушылары қатысты.

Р.К.Шарипов мырза жаңа экспозициялар туралы деректі экскурсия жүргізіп, аспан асты музейі «Таңбалы» туралы видеофильм көрсетілді.

Танымды экскурсия соңында «НЗМ» оқушылары Абишев Даулет пен Мизанбай Нұртас ұлттық аспап домбырада Құрманғазы мен Дәулеткерейдің күйлерін ойнап, өз өнерлерін көрсетті.

Көрме наурыз айының аяғына дейін жұмыс істейді.