ТДМ-4: Студенттер «Қызыл орамалды шынарым» қойылымын тамашалады

2025 жылдың 5 ақпанында тарих факультетінің оқытушылары мен студенттері қазіргі заманның ең танымал жазушыларының бірі Шыңғыз Айтматовтың шығармасы бойынша қойылған «Қызыл орамалды шынарым» қойылымын тамашалады. Режиссері талантты Т. Теменов болған спектакль үлкен жетістікпен өтті және көрермендерде әр түрлі эмоциялар тудырды.

Қарапайым көлiк жүргiзушiсi Iлияс жұмыс бабымен Әселдi жолықтырады, кездейсоқ таныстықтықтың соңы кiршiксiз сезiм, үлкен махаббатқа ұласып, қос ғашық жолдарында тұрған кедергiлердiң ешбiрiне қарамастан шаңырақ көтередi. Көп ұзамай нәрестелi де болады. Алайда, жұмысына жанымен берiлген Iлиястың ойға алған «идеясының» жүзеге аспай қалуы, отбасы бақытының тас-талқанын шығарады.

Нәзiк сезiм, терең лиризмге құрылған қойылым мәңгiлiк махаббат мәселесiн биiкке көтере отырып, көрерменiн мейiрбандыққа, сыршылдыққа, адамилыққа, ең бастысы, айналаңдағы адамдардың қадiрiн жете түсiнiп, басыңдағы бағыңды бағалай бiлуге үндейдi. «Қызыл орамалды шынарым» қойылымы бұйырған баққа ризалық білдіріп, жеңіл ләззаттың арбауына түспеуге итермелейді. «Қолда бар алтынның қадірі жоқ» дегендей, танымал шығарма көрермен қауымға өмірді бағалау туралы ой тастайды.

Кеш соңында іс-шараға қатысушылар жарқын мәдени оқиғаның естелігі ретінде бірге суретке түсті. Осындай іс-шараларға қатысу мәдени көкжиекті кеңейтіп қана қоймай, тарих факультетінің оқытушылары мен студенттері арасындағы байланысты нығайтуға ықпал етеді.