Халықаралық 8 наурыз әйелдер күніне арналған іс-шара

26.03.2025 сағат 13.00-де 208 аудиторияда орыс филологиясы және әлемдік әдебиет кафедрасының доценті, педагогика ғылымдарының докторы Ж.Х. Салханованың басшылығымен «Гендерлік теңдік» атты 5-ТДМ талқылау өткізілді. Халықаралық 8 наурыз әйелдер күніне арналған іс-шара «Журналистика» мамандығы бойынша білім алып жатқан студенттердің қатысуымен дөңгелек үстел форматында ұйымдастырылды. Студенттер Елмұрат Самал, Елеусин Гүлім, Ғалымжан Әйгерім және басқалары Қазақстан мен Орталық Азия елдеріндегі гендерлік теңдік проблемалары туралы айтып берді. Баяндамалар мен тұсаукесерлер Еуропа, Америка, Африка өңірлеріндегі гендерлік теңдік проблемаларына арналды. Студенттер Болатова Әнел, Бейсенова Фируза әлеуметтік сауалнама жүргізді. Ғалым Салтанат талқыланатын тақырыпқа арналған журнал әзірлеп, таныстырды, болашақ журналистің кәсіби дағдыларын көрсетті. Студенттер Дәуіт Қуаныш, Дәуленхан Алмат, Еділұлы Асылжан гендерлік, әділдік, теңдік терминдерінің мағынасын қарастырды. Викториналар мен слайдтар әзірленді. Қорытындылай келе, студенттер гендерлік теңдік әлеуметтік құбылыс ретінде Қазақстанның және жалпы әлемнің шындығы болуы тиіс екенін айтты.

Ұйымдастырушы: Ж.Х. Салханова