Жапон ғалымдарымен жасанды интеллект саласындағы ынтымақтастық

Әл-Фараби атындағы ҚазҰУ Компьютерлік ғылымдар кафедрасының ғалымдары Жапонияның Токай университетіне іссапармен барды. 25-30 наурыз аралығында өткен сапар барысында жасанды интеллект және робототехника саласындағы жетекші мамандармен кездесулер өтті.

Іссапардың негізгі іс-шараларының бірі ҚазҰУ мен Токай университеті арасындағы ынтымақтастықты робототехника және интеллектуалды жүйелер саласындағы белгілі ғалым, профессор Йошио Ямамотомен кездесу болды. Келіссөздер барысында тараптар бірлескен ғылыми зерттеулер, білім беру бағдарламалары және академиялық алмасу бағыттарын қарастырды. Ерекше назар жасанды интеллект технологияларын робототехникалық жүйелерге енгізу, сондай-ақ ІИ-ді әртүрлі салалардағы автоматтандырылған шешімдерге интеграциялау мәселелеріне аударылды.

Сонымен қатар ҚазҰУ ғалымдары Токай университетінің автономды жүйелер, машиналық оқыту және адам-машина өзара әрекеттестігі саласында зерттеулер жүргізілетін заманауи зертханаларымен танысты. Ынтымақтастық аясында бірлескен жобаларды жүзеге асыру, халықаралық гранттарға қатысу, жазғы мектептер мен студенттер және  жас зерттеушілерге арналған тағылымдамалар ұйымдастыру мүмкіндіктері талқыланды.

Бұл сапар екі тараптың да ғылыми ынтымақтастықты дамытуға деген жоғары қызығушылығын растады және ҚазҰУ мен Токай университеті арасындағы заманауи цифрлық технологиялар саласындағы серіктестік қатынастарды нығайту жолында маңызды қадам болды.

Әл-Фараби атындағы ҚазҰУ-дың Баспасөз қызметі