ТДМ-4: Университетімізде «ҚазҰУ студиясы» атты көңілді кеш өтті

Әл-Фараби атындағы Қазақ ұлттық университетінің Филология факультетінде «Сұңқар» студенттер мен магистранттар кәсіптік бюросының ұйымдастыруымен 28 наурыз күні «ҚазҰУ студиясы» жобасы өтті.

Бұл жолы жоба қонағы театр және кино актері Ермек Шынболатов болды. Ол «Дәстүр», «Малай» сияқты кинофильмдерде басты рөлдерді сомдап, театр сахнасында да жарқырап көрінген өнер иесі. Кездесу барысында Ермек мырза театр мен кино әлеміндегі өз тәжірибесімен бөлісіп, шығармашылық жолында кездескен қиындықтар мен қызықты сәттер туралы айтты.

Студенттер актерлік өнердің қыр-сыры, сахнадағы өмір, рөлге ену процесі және қазақ театр өнерінің даму перспективалары туралы сұрақтарын қойып, пайдалы кеңестер алды. Сонымен қатар, Ермек Шынболатов театр мен кинодағы айырмашылықтар, әртістің ішкі жан дүниесін сахна арқылы көрерменге жеткізу сияқты маңызды мәселелерге тоқталды.

Кеш қонағы Ермек Шынболатовқа өз тәжірибесімен бөлісіп, студенттерімізге пайдалы ақпарат бергені үшін алғыс айтамыз!