Халықаралық ғылыми-әдістемелік семинар өтті!
Әл-Фараби атындағы Қазақ ұлттық университетінің Біліктілікті арттыру және қосымша білім беру институты мен «Kreativti Qazaqstan» Халықаралық ғылыми-әдістемелік орталығы бірлесіп, «БІЛІМ БЕРУДІҢ ӘЛЕМДІК ТРЕНДТЕРІ: ҚАЗАҚСТАНДА ЖҮЗЕГЕ АСЫРУ ЖОЛДАРЫ» тақырыбында халықаралық ғылыми-әдістемелік семинар өткізді.
Семинардың басты мақсаты – әлемдік білім беру үрдістерін талдап, халықаралық тәжірибеге сүйене отырып, Қазақстанның білім беру жүйесіне заманауи және инновациялық әдістерді енгізудің нақты жолдарын анықтау.
Семинарға білім беру саласындағы белгілі ғалымдар, әдіскерлер мен сарапшылар қатысты. Әл-Фараби атындағы ҚазҰУ Философия және саясаттану факультеті Философия кафедрасының и.о. профессоры Айдарбеков Зейнабил Смаилханович білім берудің заманауи философиялық аспектілері туралы баяндама жасады. Ол заманауи білім беру жүйесінде кездесетін өзекті мәселелер мен сын-қатерлерге тоқталып, болашақ зерттеулер мен практикалық қолдану үшін перспективалы бағыттарды ұсынды.
Университеттің аға оқытушысы Мәрия Жұмақожақызы қазақстандық білім беру жүйесіндегі заманауи үрдістер мен инновациялық тәсілдерге қатысты шеберлік сабағын өткізіп, жалпы тәжірибелік әдістермен таныстырды. Ол халықаралық деңгейде енгізілген жаңа білім беру технологиялары жайлы егжей-тегжейлі баяндап, қазақстандық мектептер мен жоғары оқу орындарында сәтті қолданылған инновациялық тәсілдердің мысалдарын көрсетті.
Семинар барысында қатысушылар халықаралық үздік тәжірибені белсенді түрде талқылап, пікір алмасып, Қазақстандағы білім беру саласына инновацияларды енгізудің тиімді жолдарын іздестірді. Қатысушылар білім беру үрдісінің сапасын арттыруға бағытталған нақты әрі тәжірибелік ұсыныстар әзірледі.
Баяндамалар мен шеберлік сабақтары қатысушылар тарапынан жоғары баға алды, олардың ақпараттық құндылығы мен практикалық маңыздылығы ерекше аталып өтті. Семинардың қорытындысы бойынша білім беру инновацияларын енгізуге қатысты нақты ұсыныстар әзірленді.
Шара халықаралық академиялық байланыстарды нығайтып, әртүрлі елдердің білім беру мекемелері арасында ұзақ мерзімді ынтымақтастықты дамытуға жаңа мүмкіндіктер ашты.
