«Turki Fest Almaty – 2025» қалалық жастар фестивалі
2025 жылдың 12 қыркүйегінде Әл-Фараби атындағы Қазақ ұлттық университеті, Алматы әкімдігі және Жастар саясаты басқармасы бірлесіп, «Turki Fest Almaty – 2025» атты қала жастарының керемет фестивалін өткізді. Бұл шара жастың шығармашылығын қолдау үшін арнайы ұйымдастырылған.
Тамыз айынан бері Алматыдағы жоғары оқу орындарынан 300-ден астам талантты жастар қатысып, іріктеу кезеңдерінде өз өнерлерін көрсетті. Биылғы жылы Алматы «Түркі әлемінің жастар астанасы» атанды – бұл үлкен мәртебе, оны Қазақстан Президенті Қасым-Жомарт Тоқаев Будапешттегі Түркі мемлекеттері ұйымының саммитінде жариялады.
Фестиваль барысында жастар сахнаға шығып, вокал, би, аспапта ойнау, ұлттық дефиле мен қолөнер секілді түрлі номинациялар бойынша өз өнерлерін паш етті. Мысалы:
«Ең үздік вокал» – С.Ж.Асфендияров атындағы ҚазҰМУ студенті.
«Ең үздік ұлттық би» – Алматы технологиялық университетінің командасы.
«Ең үздік аспапта ойнау» – Нархоз университетінің жастары.
«Ең үздік ұлттық дефиле және қолөнер» – Қазақ ұлттық қыздар педагогикалық университетінің студенттері.
Әл-Фараби атындағы ҚазҰУ студенттері «Ең үздік топтық вокал», «Ең үздік хореография» және «Ең үздік оркестр» номинацияларында алдына жан салмады.
Құрманғазы атындағы Қазақ ұлттық консерваториясының студенті Бақыт Арыстанғалиева «Ең үздік дәстүрлі әнші» атанды.
«Көрермен көзайымы» – Қазақ ұлттық аграрлық зерттеу университетінің студенті Тасболат Жасұлан.
«Ең үздік жеке ұлттық би» – Мурадова Даяна, Қазақ ұлттық қыздар педагогикалық университетінен.
«Ең үздік көрініс» – Абылай хан атындағы ҚХҚӘТ университетінің студенттері.
Ал «Ең үздік харизмалы жастар» – Т.Жүргенов атындағы Қазақ ұлттық өнер академиясының студенттері.
Жеңімпаздарға дипломдар мен ақшалай сертификаттар табысталды.
Қысқасы, осы фестиваль – жастарымыздың талантын көрсетуге, достық пен ынтымақтастықты арттыруға арналған керемет мүмкіндік болды. Түркі әлемінің жастарының астанасы атанған Алматыда бұндай іс-шаралар әлі көп болсын!
