ТДМ-4: Рухани байлықтың бастауы – театр!

Әл-Фараби атындағы Қазақ ұлттық университетінің Заң факультетінің студенттері 2025 жылдың 14 қазанында мәдени-рухани өмірді байыту және өнерге деген қызығушылықтарын арттыру мақсатында Ғабит Мүсірепов атындағы Қазақ мемлекеттік академиялық балалар мен жасөспірімдер театрына арнайы барып, қазақ драматургиясының көрнекті туындысы – «Қызыл орамалды Шынарым» спектаклін тамашалады.

Бұл қойылым – қазіргі қазақ қоғамында өзекті болып отырған тақырыптарды көтеріп, ұлттық дәстүр мен заманауи өмірдің үйлесімін бейнелейтін көркем туынды. Студенттер спектакль барысында қойылымның режиссерлік шешімдері, актерлердің шебер ойыны мен сахналық шешімдері арқылы терең мағынаға бойлап, өздерінің рухани-эстетикалық талғамдарын арттырды.

Спектакльдің негізгі идеясы – отбасының, әйелдің қоғамдағы орны, олардың өмірдегі күрестері мен тағдырлары туралы. Бұл тақырып жастардың қазіргі заманғы әлеуметтік мәселелерді түсінуіне, адамгершілік құндылықтарды тереңірек сезінуіне мүмкіндік береді. Қойылымның көрерменге әсері зор болды, студенттер арасында терең талқылаулар мен пікір алмасулар туғызды.

Осы шараның ұйымдастырылуы студенттердің мәдени білімін арттыруға, олардың әлеуметтік белсенділігін күшейтуге бағытталған маңызды іс-шара ретінде бағаланды. Университет тарапынан мәдени іс-шараларға қатысу студенттердің жан-жақты дамуына, кәсіби және тұлғалық қасиеттерін жетілдіруге ықпал етеді.

Қатысушылар бұл театр кешін ұмытылмас әсерлер мен рухани азықпен есте сақтады. Осындай мәдени шаралар студенттердің шығармашылық қабілеттерін дамытуға және олардың болашақ мамандықтарына деген қызығушылығын арттыруға үлкен үлес қосады.