АҚПАРАТТЫҚ ХАТ

«Space Days Kazakhstan 2025» Халықаралық форумын өткізу туралы

Құрметті әріптестер!

 

Қазақстан Республикасы Цифрлық даму, инновациялар және аэроғарыш өнеркәсібі министрлігі «Space Days Kazakhstan 2025» халықаралық форумын 2025 жылғы 8-10 қыркүйек аралығында әл-Фараби атындағы Қазақ ұлттық университеті базасында (Алматы қаласы) өткізетінін хабарлайды.

Форум – ғарышты бейбіт мақсатта игеру саласындағы елдер арасындағы ынтымақтастықты нығайтуға, жоғары технологиялар мен инновацияларды, ғылымды дамытуға, сондай-ақ аэроғарыш саласындағы жоғары білікті мамандарды даярлауға және Қазақстанды жаһандық ғарыштық қауымдастыққа біріктіруге бағытталған халықаралық деңгейдегі бірегей алаң.

Қазақстан Республикасы Президенті Қасым-Жомарт Тоқаевтың Жолдауымен байланысы:

Форум Президент Жолдауында айтылған адам капиталының дамуы, цифрландыру, ғылым және тұрақты экономика бағыттарын іске асырады. Университеттер, ғылыми-зерттеу институттары мен жеке сектордың қатысуы – Жаңа Қазақстанды – инновациялық, бәсекеге қабілетті және білімге негізделген мемлекетті құру жолындағы маңызды қадам.

Тұрақты даму мақсаттарына (ТДМ) қосқан үлесі:

1. ТДМ 4 (Сапалы білім): студенттер мен оқытушылардың ғылыми сессиялар мен воркшоптарға қатысуы арқылы;
2. ТДМ 9 (Инфрақұрылым және инновациялар): спутник жасау, IoT және цифрлық мониторинг болашағын талқылау;
3. ТДМ 13 (Климаттың өзгеруімен күрес): CO₂ шығарындыларын бақылау және ауылшаруашылық мониторингі үшін спутниктерді қолдану жөніндегі сессиялар;
4. ТДМ 17 (Жаһандық әріптестік): 50-ден астам ел мен БҰҰ (КОПУОС) қатысуымен халықаралық күн тәртібін қалыптастыру.

Бағдарламадағы негізгі іс-шаралар:

• 8 қыркүйек: UN-SPIDER аймақтық воркшопы, техникалық сессиялар, AI-мониторинг, IoT, ғарыштық геодезия;
• 9 қыркүйек: ҚР ЦРИАП министрі, ҚазҰУ ректоры, БҰҰ, Airbus, Роскосмос және басқа ұйымдар өкілдерінің қатысуымен пленарлық отырыс; халықаралық панельдер: спутниктік байланыс, тұрақты даму, ғарыш айлағын құру және мониторингтегі ЖИ;
• 10 қыркүйек: Ассы-Түрген обсерваториясына сапар;
• 11 қыркүйек: Байқоңыр ғарыш айлағына экскурсия және «Союз» зымыран тасығышының ұшырылымын тамашалау.

Университеттерді, ғылыми-зерттеу орталықтарын, халықаралық ұйымдар мен өндірістік әріптестерді форум жұмысына белсенді қатысуға, ғарыш пен тұрақты дамудың болашағын бірге қалыптастыруға шақырамыз.

«Space Days Kazakhstan 2025» форумы – бұл ғарыш туралы диалог, ол дәл осы жерден, дәл қазір басталады.

 

Құрметпен,
Форум ұйымдастыру комитеті

 

Тіркелу және сілтеме бойынша толық ақпарат - https://sdk2025.gharysh.kz/