Тәрбие сағатының тақырыбы: «Жыныстық денсаулық: Репродуктивті кезеңдегі ерлер мен әйелдердің денсаулығы»

2024 жылғы 3 желтоқсанда әл-Фараби атындағы Қазақ ұлттық университетінің 90 жылдығына орай «Репродуктивті кезеңдегі ерлер мен әйелдердің жыныстық денсаулығы» тақырыбында бакалаврлар үшін тәрбие сағаты өткізілді. Бұл шара БҰҰ-ның Тұрақты даму мақсаттарына (ТДМ) «Баршаға жастан қарамастан денсаулық өмір салтын қамтамасыз ету және әл-ауқатқа жәрдемдесу» (3-мақсат) бағытында ұйымдастырылды.

Бұл маңызды іс-шараны Педагогика және білім беруді басқару кафедрасының доценті Б. Иманбекова, сондай-ақ «Биотехнология» мамандығының 1 курс докторанттары Қ.Т. Нигметова жетекшілігімен ұйымдастырды. Тәрбие сағаты «Персона» халықаралық клиникалық репродуктология орталығында өтті. Іс-шараға ҚазҰУ-дың «Биотехнология» мамандығының 3 және 4 курс бакалаврлары, сондай-ақ аталған мекемелердің қызметкерлері қатысып, барлығы 14 адам болды.

Қонақ спикер ретінде акушер-гинеколог, репродуктолог, MD, PhD Айгерим Темирханова шақырылды.

Ол қатысушыларға кездесуінің негізгі мақсаттары мен міндеттерін таныстырып, талқыланатын тақырыптың кәсіби және тұлғалық даму үшін маңыздылығын ерекше атап өтті. Өз сөзінде Айгерим Темирханова, алынған білімнің практикада қолданылуының маңыздылығын және осы салада зерттеулер жүргізудің маңыздылығын баса айтты. Тәрбие сағатында студенттер репродуктивті денсаулық тақырыбын тереңірек зерттеп, оның сақталуының маңыздылығын білді. Репродуктивті денсаулық физикалық, психикалық және әлеуметтік әл-ауқатты қамтиды, бұл адамдарға репродуктивті функцияларды жүзеге асыруға мүмкіндік береді, оған бала туу және некеге тұру да жатады. Ол жыныс мүшелерінің, гормондық жүйенің, жыныстық мінез-құлықтың денсаулығын, сондай-ақ сау жүктілік пен босанудың мүмкіндігін қамтиды.

Репродуктивті денсаулықты қорғау үшін алдын алу шараларының ішінде тұрақты медициналық тексерістер, дұрыс тамақтану, физикалық белсенділік, зиянды әдеттерден (темекі, алкоголь) бас тарту, стрессті төмендету және ауруларды уақытында емдеу маңызды рөл атқарады.

Соңында студенттерді репродуктивті жүйе және ВРТ (вспомогательные репродуктивные технологии) мәселелері бойынша ақпараттандырудың маңыздылығы аталып өтті, бұл олардың денсаулығына деген жауапкершілікті, отбасы құру туралы маңызды шешімдер қабылдауға деген сауатты қатынасын қалыптастырады. Оқу бағдарламасына жасанды репродуктивті технологиялар туралы ақпаратты енгізу студенттерге заманауи медициналық жетістіктерді түсінуге ғана емес, сонымен қатар осы әдістердің этикалық және әлеуметтік аспектілерін түсінуге мүмкіндік береді. Бұл білім репродуктивті денсаулыққа жауапты көзқарас қалыптастыруға, аурулардың алдын алуға, сондай-ақ медицина мен денсаулық сақтау саласында маңызды міндеттерді шешу үшін терең білім мен дайындыққа ие болашақ мамандарды даярлауға көмектеседі.

Дәрістен кейін докторант Нигметова Камшат жұптарға бала тууда қиындықтармен көмек көрсететін орталық туралы баяндады. Клиникада экскурсия өткізіліп, эмбриологиялық зертханаға барылды. Бұл зертханада гамета ұрықтандыру, эмбриондарды Тайм лапс инкубаторларында культивирлеу, гамета мен эмбриондарды криоконсервациялау, эмбриондарды жатыр қуысына ауыстыру, ПГД (ембриондардың предимплантациялық генетикалық диагностикасы) секілді заманауи көмекші репродуктивтік технологиялардың барлығы орындалады.

Тәрбие сағаттары магистранттарға өз мамандығының маңыздылығын БҰҰ-ның Тұрақты даму бағдарламасы аясында түсінуге және өз мамандығына деген мақтанышын дамытуға көмектесті.