ТДМ-4: «Өзіңді тану және дамыту: Сенімділікке қол жеткізу жолдары» атты тренинг өтті

Әл-Фараби атындағы ҚазҰУ-дың психологиялық қолдау қызметі мен «Инклюзивті орта» ғылыми-тәжірибелік орталығы ТДМ-4: «Сапалы білім беру» аясында 27 қаңтар күні  № 9-шы жатақханада тұратын студенттерге  арналған «Сенімділікті арттырудың жолдары» атты семинар-тренинг өткізді.Тренинг қатысушылар арасында жағымды қарым-қатынас орнату мақсатында «Танысу» жаттығуымен басталды. 

Психологиялық тренингтің мақсаты студенттерге қажетті кәсіби дағдыларды үйрету, өзін-өзі реттеу және өзін-өзі бақылау дағдыларын дамыту, сондай-ақ өзіне және өз күшіне деген сенімділікті арттыру болды. Сонымен қатар, студенттердің ішкі қорқыныштары мен алаңдаушылықтарын жеңуге, ашық болуға бағытталған әртүрлі жаттығулар өткізілді.

Семинар барысында студенттер өз эмоцияларын жақсырақ түсініп, оларды бақылауға және стресстік жағдайларда басқаруға көмектесетін практикалық тапсырмаларды орындады. Рөлдік ойындар, топтық жұмыс және жеке жаттығулар сияқты әртүрлі әдістер қолданылды, бұл әрбір қатысушыға өздерінің күшті жақтарын дамытуға және ұжымда тиімді жұмыс істеуге мүмкіндік берді.

Арнайы көңіл өзіне деген сенімділікті дамытуға, сондай-ақ болашақтағы қиындықтар мен сенімсіздіктерді жеңу жолдарын іздеуге бөлінді. Тренингке қатысушылар ішкі күйзелістермен күресудің жеңілірек болғанын және қоршаған ортадан қолдау сезінгендерін атап өтті.

Кездесу пайдалы және қызықты эмоциялармен толығып, студенттерге маңызды психологиялық дағдыларды дамытуға ғана емес, сондай-ақ олардың келешек білім алу мен кәсіби өсуіне деген ынтасын нығайтуға мүмкіндік берді. Тренинг аяқталғаннан кейін барлық қатысушылар алғыс білдіріп, алған білімдерінің оқу мен жеке өмірде пайдалы болатынын атап өтті.