ҚАЗҰУ МАГИСТРАНТЫ ГРЕНОБЛЬ-АЛЬПІ УНИВЕРСИТЕТІНДЕ (UGA) УНИВЕРСИТЕТАРАЛЫҚ МЕМОРАНДУМ АЯСЫНДА БІЛІМ АЛУДА

         Тұрақты даму мақсаттары аясында (ТДМ 4, ТДМ 8, ТДМ 9, ТДМ 10)

         Ғаламдық климаттық өзгерістер жағдайында білім беру мобильділігі тұрақты даму саласында тиімді шешімдерді табу мен енгізудің маңызды құралына айналуда. БҰҰ-ның Тұрақты даму мақсаттарын (ТДМ) іске асыру аясында, атап айтқанда, ТДМ 4 (Сапалы білім), ТДМ 8 (Лайықты жұмыс және экономикалық өсу), ТДМ 9 (Индустрияландыру, инновациялар және инфрақұрылым) және ТДМ 10 (Теңсіздікті азайту), Әл-Фараби атындағы Қазақ ұлттық университетінің магистранты Қайров Асан климаттық қауіп-қатерлерді Big Data арқылы талдау бойынша алдыңғы қатарлы тәжірибені меңгеру үшін Францияда білім алуда.

         Оқу UFR PhITEM француз университеті мен ҚазҰУ арасындағы меморандум аясында өтуде. Магистратура бағдарламасы климаттық құбылыстар мен табиғи апаттарды зерттеудің заманауи әдістеріне бағытталған курстарды қамтиды. Негізгі пәндер: Introduction to Seismic Risks (6 ECTS), Remote Sensing and GIS Project (6 ECTS), Instrumentation for Geophysics (3 ECTS), Induced Seismicity (3 ECTS), Scientific Computing (3 ECTS), Cartography (6 ECTS), FLE-RI (3 ECTS). Бұл курстар студенттерге климаттық қатерлерді болжау және алдын алу үшін қажетті деректерді өңдеу және интерпретациялау әдістерін меңгеруге мүмкіндік береді.

         Оқу барысында ерекше назар 2024 жылдың көктемінде Қазақстанның батысында болған жойқын су тасқынының салдарын талдауға аударылады. Бұл оқиға табиғи апаттарды бақылау және алдын алу үшін алдыңғы қатарлы технологияларды қолдана алатын мамандарды даярлаудың қажеттілігін көрсетті. Осыған байланысты ҚазҰУ ректоры Ж. Түймебаев шетелдік университеттермен халықаралық ынтымақтастық пен білім алмасуды ұйымдастыру міндетін қойды. Студенттер мен магистранттарды жетекші шетелдік жоғары оқу орындарында оқыту – университеттің қазіргі климаттық сын-тегеуріндерді шешуге қабілетті кадрларды даярлау стратегиясының маңызды бөлігі.

       Қайров Асанның айтуынша, бағдарлама аясында ол сейсмикалық және гидрологиялық қауіп-қатерлерді болжау үшін қолданылатын заманауи деректерді талдау әдістерімен жұмыс істеу мүмкіндігіне ие болды. Францияда алынған тәжірибе Қазақстанда климаттық өзгерістердің салдарын азайтуға ықпал ететін шешімдерді әзірлеуге қолданылатын болады.

      Осылайша, білім беру мобильділігі жаңа буын мамандарын қалыптастырудың қуатты құралына айналуда, олар жаһандық мәселелерді шешу үшін инновациялық әдістерді қолдана алады. Мұндай бастамалар білім сапасын арттыруға ғана емес, ғылым мен технология саласындағы халықаралық ынтымақтастықты нығайтуға да ықпал етеді, бұл тұрақты даму мақсаттарына қол жеткізуде маңызды рөл атқарады.