Білім беру бағдарламасы

Радиотехника және телекоммуникация саласындағы ең жаңа жетістіктерді пайдалана алатын, элетрондық аспаптармен және құрылғылармен жұмыс істеу, телекоммуникациялық жабдықтарды техникалық қызмет көрсету, берілген дәлдік дәрежесімен деректерді өңдеу дағдыларына ие, желілік коммуникациялық жабдықтарды пайдалану және қолдау үшін ұсыныстар жасай алатын ақпараттық және телекоммуникациялық технологияларда білікті мамандарды даярлау.

ON1.Сигналдарды сандық өңдеуге арналған радиотехникалық схемаларда, байланыс жүйелерінде, электрондық және өлшеу техникаларында және құрылғыларында болатын негізгі физикалық процестерді, математикалық аппараттарды түсіндіру;
ON2.Аналогтық және сандық сигналдарды өңдеу кезінде жартылай өткізгіш аспаптар мен жабдықтарда, микропроцессорлық техникада болатын процестерді талдау;
ON3. Мобильді байланыс, талшықты-оптикалық байланыс жүйелері, спутниктік байланыс жүйелері, кеңжолақты байланыс жүйелері, ғаламдық және жергілікті желілер және абоненттік қатынау желілері сияқты қазіргі заманғы ақпарат жіберу жүйелерін ұйымдастыру принциптерін сипаттау;
ON4. Радиотехника және электрониканың практикалық есептерін шешу үшін аналогты және сандық электрониканың электрондық сұлбаларын есептеу әдістерін қолдану;
ON5. Электрондық және өлшеу техникасын қолдана отырып өлшеу жүргізу үшін әдістерді қолдану, олардың нәтижелерін түсіндіру және қорытынды жасау;
ON6. Телекоммуникациялық байланыс жүйелерін құру үшін электроника, телекоммуникация, байланыс және сигналдарды өңдеу құрылғыларының құрылымын жүйелеу;
ON7. Сигналдарды өңдеу және мониторинг пен басқарудың зияткерлік жүйелерін ұйымдастыру үшін логикалық интегралды схемаларды, микроконтроллерлерді және микропроцессорларды бағдарламалық қамтамасыз етуді әзірлеу;
ON8. Телекоммуникациялық жүйелер мен деректерді жіберу желілерін жіктеу, оларды рұқсатсыз қол жеткізуден қорғау тәсілдерін талдау;
ON9. Деректердің сапасы мен бүтіндігін бағалау үшін радиотехникалық құралдардың көмегімен ақпаратты өңдеу мен деректерді талдаудың қазіргі заманғы әдістерін қолдану;
ON10. Әртүрлі функционалдық мақсаттағы электронды құрылғылар мен схемаларды, аппараттық-бағдарламалық қамтамасыз етуді жүйелеу және олардың жұмыс қабілеттілігін бағалау;
ON11. Электрондық жабдықтарды, есептеу техникасын және телекоммуникациялық құрылғыларды бағдарламалық қамтамасыз етуді тестілеу және қызмет көрсету;
ON12. Командада тиімді жұмыс істеу үшін әлеуметтік-коммуникативтік дағдыларды қолдану, сондай-ақ тұлғалық және кәсіби өсуге бағытталған шешімдерді одан әрі қабылдау үшін кәсіби мақсаттар мен міндеттерді қою жүйелі ойлау қабілеті болу.