Жұмыстың негізгі түрлері:
- ғылыми-зерттеу, шығармашылық, аудармашылық, ғылыми-әдістемелік жұмыстарын жүргізу;
- ғылыми және ғылыми-әдістемелік жұмыстардың нәтижелерін оқу үдерісіне енгізу;
- жоғары оқу орнынан кейінгі білім мамандарын дайындау;
- ғылыми өнім нәтижелерін жариялау және іс жүзінде қолдану;
- ғылыми, әдістемелік және консалтингтік қызмет көрсету;
- ғылыми еңбектердің тақырыптық жинағын, конференциялар мен сьездер, симпозиумдар материалдарын шығару;
- ғылыми еңбектерді, көркем, сондай-ақ аударма мәтіндерді редакциялау және баспаға ұсыну;
- мәтіндерді филологиялық сараптау және бағалау;
- семинарлар, мәжілістер, көрмелер, жәрмеңкелер өткізу;
- институттың зияткерлік қызметінің өнімдерін коммерциализациялау;
- ғылыми, шығармашылық, аудармашылық, білім беру қызметінің теориясы мен практикасы саласында мамандардың біліктілігін арттыру, қайта дайындау;
- ғылыми зерттеулер мақсатына сәйкес заңнамада тыйым салынбаған өзге де жұмыстарды атқару.
Қызмет бағыттары:
- абайтану;
- қазақ әдебиеті;
- қазақ филологиясы;
- орыс әдебиеті;
- орыс филологиясы;
- әдебиет теориясы және фольклортану;
- әдеби шығармашылық және көркем аударма;
- әлем әдебиеті;
- гуманитарлық және әлеуметтік ғылымдар саласындағы пәнаралық зерттеулер.
Негізгі міндеттер:
- ғылым дамуының маңызды бағыттарында жаңа білім жасаудың, жаңа технологияларды игерудің, ғылыми мектептерді қалыптастыру мен дамытудың негізі ретінде іргелі зерттеулерді басымдықпен дамыту;
- гуманитарлық және әлеуметтік ғылымдар саласында қаржыландырылатын ғылыми зерттеулерге қатысу;
- тиісті бағыттар бойынша мемлекетаралық және халықаралық ғылыми бағдарламаларға қатысу;
- бастамашылдық ғылыми зерттеулерді үйлестіру және жүргізу;
- ғылым мен білімнің ең жаңа жетістіктері негізінде жоғары оқу орнынан кейінгі білім бағдарламалары бойынша ғылыми-педагогикалық кадрлар мен мамандар дайындау;
- Абайдың шығармашылық мұрасын әдебиеттану, тіл білімі, мәдениеттану, тарих, педагогика, юриспруденция, философия, әлеуметтану, саясаттану ғылымдарының тоғысында зерттеудің теориялық және әдістемелік негіздерін жасау;
- қазақ әдебиеті теориясы мен тарихының ежелгі дәуірден қазіргі күнге дейінгі өзекті мәселелерін Абайдың эстетикалық, этикалық, философиялық көзқарастары тұрғысынан бағамдау;
- Абай шығармашылығының алыс және жақын шетелдерде қабылдану мәселелерін пайымдау;
- қазіргі заманғы қазақ әдеби тілінің теориясы мен тарихын саралау;
- әдеби аударма мен аударматану, әдеби компаративистика теориясы мен практикасы мәселелерін зерттеу;
- қазақ әдебиетінің, әдеби шығармашылық үдерісінің теориясы мен тарихының өзекті мәселелерін әлем әдебиеті аясында қарастыру.
Республикалық бюджеттен қаржыландырылған іргелі зерттеу жобалары:
- 3976/ГФ4 Абай Құнанбаевтың шығармашылық мұрасын пәнаралық зерттеу (2015-2017). Мемлекеттік грант бойынша қаржыландыру 21 млн. тг. Жоба жетекшісі – Ж. Дәдебаев.
- АP08855683 Абай ілімін білудің, түсінудің және қолданудың ғылыми негіздері мен теориялық тетіктері (2020-2022: 27 ай). Мемлекеттік грант бойынша қаржыландыру 27 млн. тг. Жоба жетекшісі – Ж. Дәдебаев.
.jpeg)