"Халықаралық құқық" ББ 3 курс студенттері жыл сайынғы Республикалық құқықтық турнирдің жеңімпаздары атанды

"Халықаралық құқық" білім беру бағдарламасының 3 курс студенттері Сүлейман Демирел атындағы университет пен "Synergy Partners" Заң фирмасы бірлесіп ұйымдастырған жыл сайынғы Республикалық құқықтық турнирде 1 орын иеленіп жеңімпаздары атанды. Турнирге С. Торайғыров атындағы Павлодар мемлекеттік университеті, Д.А. Қонаев атындағы Еуразиялық Заң Академиясы, Нархоз және т.б. университеттердің командалары қатысты.

Біздің университет командасының атынан Итбаев Диас пен Лепешкина Виталия қатысты, жетекшісі – PhD докторы, доцент м.а. Л.Б. Нысанбекова.

Халықаралық қатынастар факультеті Сіздерді еңбекқорлығыңыздың жарқын дәлелі болған лайықты жеңіспен құттықтайды. Осы деңгейде тоқтап қалмауды, басқа да биіктерге ұмтылуды, табысты болуды тілейді.