Мақсатым – оқу ордасының абыройын арттыру

Биылғы оқу жы­лы­ның көктемгі семес­трін­де өзімнің таңдаған мамандығым­ның оқу жоспарына сәйкес, өндірістік тәжірибеден өту кезеңі 3- 29 маусым аралығына сәйкес келді. «Табиғи-техно­ген­дік қауіп-қатерлер» маманды­ғын­да оқитын бол­ған­­дық­тан, тәжіри­беден өту үшін Арыс қаласы төтенше жағдайлар бөлім­ше­сімен келісімшартқа отырған болатынмын. 

Студенттер үшін төтенше жағдайлардағы тәжірибеден өтудің көптеген пайдалы жағын біліп қайттым. Мысалы, ал­ғаш­қы медициналық көмек көрсе­ту, эвакуациялау, құрал-жаб­дық­тарды пайдалану, дағ­да­рысты басқару туралы тео­риялық білім нақты қолдануды талап етеді. Біз стандартты емес жағдайлардан шыға оты­рып, нақты жағдайда әрекет етуге үйренеміз. Сонымен қа­тар тәжірибе жағдайды жыл­дам талдауды, белгісіздік пен уақыт қысымы жағдайында ше­шім қабылдауды талап ете­ді. Төтенше жағдай барысында түрлі мамандармен қарым-қатынас жасауға үйретеді.

Ең бастысы, тәжірибе сту­дент­терге өздерінің күшті және әлсіз жағын бағалауға, қажетті кәсіби дағдыларды анықтауға және оларды дамытуға мүм­кін­дік береді. Менің түйгенім, тәжірибеден өту студенттердің өзіне деген сенімділігін ны­ғай­туға, стандартты емес жағ­дай­ларда өз бетінше шешім қа­был­дау және әрекет ету дағ­дыларын меңгеруге жол ашады екен.

Арыс қаласы төтенше жағ­дай­лар бөлімінде тәжірибеден өту барысында далалық өрт, ауыл ауласында күннің аптап ыстығынан құрғақ шөптердің өртенуі, шомылу маусымының ашылуына орай, адамдардың суға батып кетуі қаупі көптеп кездескен жағдайлар болды. Осындай кездерде аталған жағ­дайлардың алдын алу мақ­са­тында тұрғындармен түсін­дір­ме жұмыстарын жүргізу және төтенше жағдай болған кез­дегі көмек көрсету жұ­мыс­та­рына белсене араластым. Мұндай жағдайда бастысы, төтенше жағдайлардағы тәжі­рибе кәсіби және қауіпсіз орын­далуы керек екенін ескеру ма­ңызды. Нақты модель­деу­лер­ді, арнайы жабдықты және бі­лікті нұсқаушыларды пай­да­лану керек.

Жалпы, төтенше жағдай­лар­дағы тәжірибе – бұл жай ғана оқу емес, студенттердің бо­ла­шағына инвестиция, ол олар­дың заманауи әлемнің сын-қатерлеріне дайын болуына және қоғамның қауіпсіздігі мен әл-ауқатын қамтамасыз етуге ықпал етеді.

Аталған мекемеде тәжіри­бе­ден өту барысында жасаған жұмыстарым мен регламенттік және нормативтік-актілік құ­жат­тарды білу деңгейімен жо­ғары дәрежеде жұмыс ат­қар­ғаны үшін және өзіне жүктелген міндеттемелерін уақытында орындай білгенім үшін Алғыс хатпен марапатталдым. Бұл мен үшін өзімнің білім алып жат­қан қара шаңырағым ҚазҰУ-дың абыройының ас­қақ­тауына сәл де болса ти­гіз­ген үлесім деп білемін.

Осы тұрғыдан алғанда өзіме білім беріп жатқан оқы­ту­шы­ла­рыма және төтенше жағдайда тәжірибеден өту мүмкіндігі үшін университетіме шын жү­рек­тен алғысымды білдіргім ке­леді. Бұл тәжірибе менің кә­сіби дамуым үшін өте маңызды бол­ды. Сонымен қатар Арыс қаласы төтенше жағдайлар бөлімінің бастығы, азаматтық қорғау майоры А.Бейсеновке де ерекше алғыс айтқым ке­леді.

Ерасыл Бақытұлы,

«Табиғи-техногендік қауіп-қатерлер» мамандығының 2-курс студенті